في تصريحات جريئة وشاملة حول استعدادات المنتخب الوطني للمشاركة في كأس العالم، أكد كابتن مجدي عبد الغني، نجم الكرة المصرية السابق، أن الطموح الطبيعي للمنتخب يجب أن يتجاوز مجرد المشاركة ليصل إلى أبعد مدى ممكن، مشدداً على ضرورة تجاوز الدور الأول كهدف أساسي في هذه النسخة من البطولة.
وقال عبد الغني، في تصريحات تليفزيونية ببرنامج “ملعب أون”، عبر قناة “أون سبورت”، ردا على سؤال إحنا رايحين لفين؟:” الوضع الطبيعي، إن إحنا نروح لأبعد حتة ممكنة، لأن السنة دي هوجة عرابي، اه، 48 دولة “جزيرة الموز” اتأهلت، دول أفريقية ما كانتش ولا دول عالمية ولا دول في المحيط الأطلنطي كانت تتخيل إنها تلعب كأس عالم “.
و أردف:” فبالتالي المفروض بتاريخنا إن إحنا نروح أبعد مدى ممكن، اللي هو على الأقل نعدي الدور الأولاني ده، يعني على الأقل نكسب نيوزيلندا، ده ما عندهمش شمس . يعني نيوزيلندا تلاقي كلهم فخادهم بيضة (0:54)، بيتمرنوا في صالات مغطاة، ثلج ثلج ثلج، وفي الكورة مالهاش تاريخ، وعدد سكانها قليل “.
واجاب عبد الغني ردا على سؤال وأنت بتتكلم تقول “المفروض المفروض”؟ يعني ليه ما عندكش ثقة إن إحنا مؤهلين لكده؟:” إحنا كرة القدم ما فيهاش ثقة، يعني كرة القدم ما تعرفش غير أنت اليوم حالتك اليوم اللي بتلعب فيه، إنما الإعداد لليوم اللي بتلعب فيه هو ده اللي خلانا نعمل النتائج المشرفة في كأس العالم 90 “.
و أكمل:” هيقابل ماشي في الوديات، لكن روسيا لم تتأهل لكأس العالم، إسبانيا أقدم منتخب في العالم، إسبانيا مباراة جيدة، مباراة برازيل هنشوف هيعملوا إيه، قصدي إعداد من العيار الثقيل، أنت الحالة البدنية بتاعتك، إحنا رايحين وإحنا الشوط الأولاني زي الشوط الثاني بالنسبة لنا”.
وأختتم: ” حسام حسن هو حر في اختياراته أكيد، له الحق تماماً في اختياراته”.
