رد عبد الواحد السيد، مدير الكرة السابق بالزمالك على تلميحات إسلام الشاطر لاعب الأهلي وحديثه عن ديون الفارس الأبيض ومقارنته بالأحمر.
وقال الشاطر، خلال تصريحات تليفزيونية ببرنامج “اللعيب”، عبر قناة “mbc مصر”:” بيقولوا اصل الاهلي دافع مليار جنيه في لعيبه وجايبين مدربين، انت دلوقتي مدرب كان بياخد 300 لـ350 دولار في اشارة لحسين عموته، لما ياخد 220 الف دولار، وهو من افضل المدربين وهيعطي للاهلي اللي عاوزه من خبرات داخل القارة الافريقية والمنطقه العربية يبقى ايه المشكله واللي اعرفه الرقم اقل من كده”.
و أضاف: ” بيتقال اصل الاهلي بيدفع مبالغ كبيرة، طيب ياجماعه الزمالك دفع كام، الزمالك عنده ديون 7 او 8 مليون دولار، والاهلي بيدفع ولكن عنده اموال يسدد المستحقات دي”.
ومن جانبه رد عبدالواحد:” خليك في الأهلي يا إسلام، بتدخل الزمالك ليه في الموضوع؟، أنت راتب لاعب عندك في سنه 3 مليون، عقد لاعب واحد في الزمالك خمس سنين تلاقيه مليون وشويه.، بتقارن ايه بايه”.
وأختتم:” أنا لما مهيب سألني عن الزمالك، قلت عنده مشكلة، مش هنفضل أقارن لان الارقام بعيده بين الاثنين”.
