سالم سالم يفجر مفاجأة صادمة بشأن صلاح مصدق.. “قالوله مش هتلعب علشان محسوب على هذا الشخص”!!
فجر سالم محمد سالم، وكيل أعمال صلاح مصدق، لاعب الزمالك السابق، عن مفاجأة بشأن سبب عدم مشاركته مع الفريق.
وقال سالم، في تصريحات تليفزيونية عبر برنامج “الكلاسيكو” على قناة “أون”، ردا على سؤال هل فعلا اتقال لصلاح مصدق من لعيبة جوا الفريق انك مش هتلعب عشان جون إدوارد ولأنك صفقه ميدو؟:” بتكلم بكل وضوح وصراحة لأن الكلام ده أنا اتكلمت فيه مع جون مباشرة قلت له الولد بينقلي كذا كذا”.
و أضاف:” هو اتقاله من زمايله في الفريق انه مش هيلعب لان صفقة ميدو ومش جون اللي جابه، وده مش معناها إنه ده حقيقة مش معنى إن واحد قال لي إنت مش هتلعب علشان كده”.
وواصل سالم:” كلمت جون ونقلت له اللي قاله صلاح، فرد قال ليا يا دكتور هل أنت راجل قديم في الشغلانة لو أنا لاعب هيكسبني هاقعده عشان واحد تاني اللي جايبه؟ طب ما هو نص اللعيبة مش أنا اللي جايبها، هل هاقعدهم عشان ألعب لعيبة تانية؟، طيب ما الأجانب اللي أنا جايبهم في البداية مكنوش بيلعبوا”.
و أردف: “وبعدها صلاح حس انه مش مرغوب فيه ومش بيلعب ومش بياخد فلوس وبدأ يتكلم في قصة الفلوس، قالي يعني لا فلوس ولا لعب ولا منتخب يبقى أنا هنا مستقبلي بيروح”.
