كشف سالم محمد سالم وكيل أعمال المغربي صلاح مصدق لاعب الزمالك السابق، عن كوارث بشأن موقف مسئولي النادي من أزمة اللاعب بداية من حسين لبيب رئيس، الفارس الأبيض.
وقال سالم، خلال تصريحات تليفزيونية عبر قناة “أون”:” صلاح فقد جزء من الثقه فيا شخصيا وبكلم زميلي الوكيل المغربي وقالي شايف الولد بدا يخرج من ايدينا وراح لمحامي ورجعت لصلاح وقالي انت زي والدي انا قدمت شكوى ضد الزمالك وفاضل 3 ايام واخد حكم بفسخ العقد”.
وتابع: “كلمت جون ادوارد في نهاية نوفمبر الماضي، والزمالك كان عنده فرصه ينقذ الموقف، وكلمت جون وقولتله انت رجل فاهم شغلك واكيد وصلك إيميل بالشكوى، و اللاعب بيتمرن معك لمده 12 يوم، و هو مقدم شكوى، والمفروض كنت تاخد اجراء مع الولد وتاخد اجراء قالي انا كلمت الولد وقولتله اللعب هيحي”.
وشدد سالم:” اللي حصل في لاعب قدم شكوى المفروض تتلافي الشكوى، اللي حصل لجأت لجون وقالي شايف الامور والارض راحت فروحت لحسين لبيب وكلمته في مشكله ومش انا هيكون سبب مشكله للزمالك وقالي نقعد ومكنش يعرف ان في عرض للاعب من الوداد، وكنت جايب مباراة وديه مع المغرب الفاسي وكان وقتها كابتن حسين لبيب مريض”.
وأكمل: “كابتن حسين كان فوض صلاحياته للنائب ومكنش في تواصل مع النائب، لما الزمالك اخد الدوري هل الناس قالوا حد باسمه خد الدوري، اتقال الزمالك اخد الدوري، الكل يتحمل مسئولية ازمة صلاح من اول رئيس النادي والشئون القانونيه”.
وواصل سالم:” وجون كان مشغول روحت للمستشار القانوني للزمالك وكلمته وعرفته بنفسي وقالي معرفكش ، قولتله في مشكله عاوزين نكلم فيها قالي مش فاضي نكلم بعدين ولما يبقي في مشكله تضرني ولكن عاوز احل وقعدنا مع كابتن حسين لبيب في بيته مع اللاعب”.
وأختتم:” كابتن حسين اتفاجئ ان كان في عرض إعارة لصلاح مصدق، وقال معرفش حاجه، وكمان كلمت كابتن حسين اليوم يحزني ان الزمالك يبقى عنده مشكله بسبب لاعب انا جايبه”.
