مهمة الـ 48 ساعة الحاسمة.. إبراهيم فايق يوضح كواليس تحرك الزمالك في المغرب لانهاء ازمة مصدق ومعالي
كشف الإعلامي إبراهيم فايق، عن كواليس التحركات الإدارية المكثفة داخل نادي الزمالك لحل الأزمات المالية العالقة، مؤكداً أن النادي يسير بخطوات ثابتة نحو إنهاء ملفات إيقاف القيد التي شغلت الرأي العام الزملكاوي طوال الفترة الماضية.
وقال فايق، في تصريحات تليفزيونية ببرنامج “قهوة فايق”، عبر قناة “mbc مصر 2″:’ التسوية المالية اللي هتحصل ما بين الزمالك و صلاح مصدق وموقف معالي، عبد الرحمن إسماعيل اللي هو مدير التعاقدات بنادي الزمالك نجح في إن هو وقع تسوية مع اللاعب المغربي، صلاح مصدق”.
وأردف:” صلاح مصدق حصل النهارده من نادي الزمالك على 400 ألف دولار هياخد زيهم في نهاية شهر يوليو علشان يتقفل القصة بتاعته ”
و أشار فايق:” أنا قلت لك قبل كدة المحامي بتاع صلاح مصدق قال لك يا جماعة هأخر رجلي شوية لحد ما أنتم ما تدفعوا بحيث إن أنا لما أنت تبعت للفيفا أنا كمان هبعت أقول والله الناس دفعت واحنا في إطار التسوية، فالمحامي اللي هو محامي صلاح المصدق قال لهم إن احنا بنسوي مع نادي الزمالك علشان نساهم في مسألة ما يبقاش في أزمة في موضوع القيد ”
وشدد: “الزمالك هيسعى بكل الطرق وبكل الوسائل يعني إن هو يحل كل الأزمات المتعلقة بمسألة إيقاف القيد”.
وأتم فايق:” مدير التعاقدات في الزمالك هيجتمع بالمناسبة مع مسؤول اتحاد طنجة النهارده، في المغرب خلال 48 ساعة.. أنا قلت النهارده، خلال 48 ساعة عشان قضية مستحقات النادي المتأخرة من صفقة عبد الحميد معالي وحل أزمة مستحقات اللاعب”.
