فتح الإعلامي مهيب عبد الهادي، النار على مسئولي الزمالك بسبب قضية عمر فرج لاعب الأبيض السابق والحكم لصالحه بدفع مليون و700 ألل دولار.
وقال عبد الهادي، خلال تصريحات تليفزيونية ببرنامج “اللعيب”،عبر قناة “mbc مصر”:” لك الله يا زمالك، عمر فرج مليون و700 الف دولار، هتقول ليه بتنكد علينا،بس عندي خبر حلو الامور دي هتتحل”.
وتابع: “بقف عند حاحات العقل مبيستوعبهاش لاعب عدى على النادي هياخد 2 مليون و800 له ولناديه، بالله عليك مده ايه اطلع ثقول ان بهاجم المجلس وضد الزمالك وبتكلم علينا اتكلموا انتم لاعب نزل 5 دقايق في السوبر وعقده بالمصري ايه الدولار ده مليون و700 ملعبش 90 دقيقه وناديه هياخد مليون و100 الف دولار”.
وأختتم:” دخلنا في130 مليون حسبي الله ونعم الوكيل، في مين؟ الله اعلم، 130 مليون في لاعب معداش كده ايه ده وتقولوا الاعلام واتكلم وافترى ده اسمه ايه؟ “.
