في تحليل فني لأداء لاعب الوسط أحمد سيد زيزو بعد انتقاله من نادي الزمالك إلى صفوف النادي الأهلي، تطرق حسام عاشور عبر شاشة قناة الأهلي لتقييم مردود اللاعب مع انطلاقة الموسم الجديد، مسلطين الضوء على الفوارق الكبيرة بين دوره السابق ودوره الحالي داخل المستطيل الأخضر.
وقال أسامه حسني عبر قناة الأهلي: “أحمد سيد زيزو الموسم اللي فات كان ضجة كبيرة جداً، تم انتقاده بشكل كبير الموسم اللي فات، الموسم ده الشكل مختلف.. البداية أمام برشلونة مختلفة، النهاردة بيسجل هدف الأهلي الوحيد، هدف حلو، هدف فيه ذكاء.. النهاردة كان فيه كميات جري كبيرة منه.. شايف خاصة أحمد سيد زيزو مع الموسم الجديد شكله ممكن يكون إزاي؟”.
ليرد حسام عاشور:” على فكرة أحمد سيد زيزو لعيب مميز جداً، ولعيب عنده شخصية.. وحضرتك قلت بيجري كتير، بس السنة اللي فاتت كان عليه ضغوطات كبيرة ومكنش عنده توفيق’.
و أضاف:” وجاي من نادي كبير زي نادي الزمالك، فييجي على النادي الأهلي برضه.. يعني بين الأهلي والزمالك فيه تغيير كلي، يعني هو كان من الزمالك والفرقة كلها بتخدم عليه، في الأهلي إحنا بنلعب كـ منظومة”.
وواصل عاشور: “فتشكيل النادي الأهلي كله بيخدم على كله، مفيش اللعيب الواحد اللي هو ياخد مثلاً السوكسيه”.
و أختتم:” لا الفرقة كلها هي اللي بتاخد السوكسيه، الأهلي هو النجم”.
