علق معتمد جمال، المدير الفني للفريق الأول لكرة القدم بالزمالك على التعادل أمام الاتحاد السكندري، ضمن منافسات الجولة الأولى من بطولة الدوري المصري.
وتعادل الفريق الأول لكرة القدم بنادي الزمالك أمام الاتحاد السكندري،بدون اهداف، ضمن منافسات مسابقة الدوري المصري الممتاز 2026-2027
وقال جمال،خلال الموتمر الصحفي عقب المباراة:* بشكر اللعيبه كلها على مجهودهم وبشكر الجمهور اللي كان حاضر النهارده، أنا عمري ما اشتكيت من اي حاجه علشان كده بشكر كل اللعيبه على المجهود اللي عملوه النهارده احنا شغالين عكس اي منطق”.
وتابع:” إحنا مطلوب مننا نكسب ونجهز اللعيبه في نفس الوقت .. المشوار لسه طويل، أنا مش قادر أضغط على اللعيبه أكثر من كده احنا شغالين طول اليوم علشان نعد اللعيبه”.
وواصل جمال: “كان نفسي اخلص الماتش بدري علشان نقدر نهدي الدنيا الشوط الثاني.. لكن للاسف محصلش و اللعيبه وقعت الشوط الثاني وده طبيعي جدا لأننا متأخرين في الإعداد”.
وشدد :” مش عايز أفقد اي لاعب في الأول ويحصل إصابات بنحاول نعمل توازن ما بين المباراة وتجهيز اللعيبه”.
وبشأن غياب خوان بيزيرا وهل الإدارة تدعم معتمد جمال؟ اجاب:” أنا مش بتكلم غير في المباراة.. أنا مش هقدر اتكلم في اي شئ خارج المباراة “.
و أردف جمال:” أنا عاذر اللعيبه وملتمس ليهم العذر وفي حاجات بتجبرنا نشوف شكل مختلف في الملعب يعني دي حاجات ممكن نعملها في اخر الدوري أنا بقيت بعملها في بداية الدوري لان الوضع معكوس والدنيا صعبة لكن هنشتعل واحدة واحدة”.
وردا على سؤال هل كلامك ده أعذار مقدمة اللعيبه؟ رد: “لا لا متفهمش الكلام غلط أنا بوضح الصورة لاننا عندنا مشاكل حقيقية احنا اخر فريق بدأت تدريبات في مصر ده حتى دوري المحترفين بدأ قبلنا”.
و أشار معتمد:” أنا مش بدي أعذار لكن ده واقع .. كل الفرق عامله تدعيمات كمان بصفقات كتيرة وإحنا معملناش حاجه وبدايه متأخرة أنا مش بقول كده علشان اقول اعذرونا”.
وأختتم: “إحنا عاملين بلان وخطة علشان اللي جاي لحد فتره التوقف وبقول وبوضح أننا مطالين مننا نلعب ونكسب ونجهز اللعيبه في نفس الوقت وأنا بشارك الناس معايا”.
