اوضح معتمد جمال، المدير الفني للفريق الأول لكرة القدم بالزمالك، مشاكل الفارس الابيض وما يعانيه وذلك بعد التعادل أمام الاتحاد السكندري في إفتتاح بطولة الدوري.
وقال جمال، في المؤتمر الصحفي عقب المباراة:” أنا عاذر اللعيبه وملتمس ليهم العذر وفي حاجات بتجبرنا نشوف شكل مختلف في الملعب يعني دي حاجات ممكن نعملها في اخر الدوري أنا بقيت بعملها في بداية الدوري لان الوضع معكوس والدنيا صعبة لكن هنشتعل واحدة واحدة”
و أجاب ردا على سؤال:” هل كلامك ده أعذار مقدمة اللعيبه؟ لا لا متفهمش الكلام غلط أنا بوضح الصورة لاننا عندنا مشاكل حقيقية احنا اخر فريق بدأت تدريبات في مصر ده حتى دوري المحترفين بدأ قبلنا “.
وشدد جمال:” أنا مش بدي أعذار لكن ده واقع .. كل الفرق عامله تدعيمات كمان بصفقات كتيرة وإحنا معملناش حاجه وبدايه متأخرة أنا مش بقول كده علشان اقول اعذرونا’.
وأختتم: “إحنا عاملين بلان وخطة علشان اللي جاي لحد فتره التوقف وبقول وبوضح أننا مطالين مننا نلعب ونكسب ونجهز اللعيبه في نفس الوقت وأنا بشارك الناس معايا”.
