كشف الإعلامي إبراهيم فايق، السبب الحقيقي وراء رحيل جون إدوارد عن منصبه كمدير رياضي في نادي الزمالك، والبديل له خلال الفترة المقبلة.
وقال فايق خلال تصريحات تليفزيونية ببرنامج “قهوة فايق”، عبر قناة” mbc مصر 2″: “بالمختصر المفيد: جون إدوارد كان محتاج سيولة مادية علشان يقعد في نادي الزمالك، الناس قالوا له: “والله اللي موجود 40 مليون”، قال لهم: “يا جماعة طب احنا شركة الكورة وكنا متفقين على إنه يبقى فيه استثمارات وفلوس وبتاع عشان يبقى عندي سيولة عشان أعرف أصرف على الكورة”، فقالوا له: “والله ده اللي عندنا مكمل”. قال لهم: “لا والله مش مكمل، أنا مش عاجبني الوضع، قال السلام عليكم وعليكم السلام ببوسة وحب” “.
واضاف:” خِلص الموضوع بتاع جون إدوارد وانتهت القصة”.
وتابع فايق: “طيب مَن هو القادم؟ القادم هو حسام الزناتي بنسبة 90% تقريباً ويمكن أكتر شوية كمان، حسام الزناتي سيتولى منصب المدير الرياضي بنادي الزمالك، وحصل اتفاقات وحصل جلسات وحصل كل حاجة وقريب قد يتم الإعلان”.
وأختتم:.جون إدوارد ماتكلمش في أي مكان، ماتكلمش في أي حتة، ما عملش أي مداخلة، ما طرحش نفسه في السوق، مالوش أي تواجد تقدر تشوفه علشان التعقيب على هذا الأمر، حاولنا الحقيقة إن احنا نتواصل مع الراجل أكتر من مرة هو مش عايز لا يتكلم ولا يطلع في الإعلام ولا على الأقل في الفترة دي، ده الكلام اللي قاله لنا وقال لفريق الإعداد مش عايز يتكلم خالص خلال هذه الفترة”.
