كشف حسام المندوة، أمين صندوق الزمالك، كيف سيقوم مجلس إدارة النادي بحل أزمة مديونيات الهيئات الحكومية المستحقه على الفارس الأبيض.
وقال المندوة، خلال تصريحات تليفزيونية ببرنامج “الصورة”، عبر قناة “النهار”:” جينا لقينا مديونيات على الزمالك بقيمة 3 مليار دلوقتي الرقم متحركش كتير وبالكاد بندفع ارقام بسيطه”.
وأضاف:” خاطبنا وزير المالية ورئيس التأمينات والكهربا، بنشوف هنحل ازاي ممكن ندفع مبالغ او نلجأ لاستبدال باصول زي محلات وعضويات في النادي او فرع اكتوبر، اكبر مديونيه هي الضرائب والقضايا الدوليه والرقم اقل قليلا من 3 مليار”.
وشدد المندوة: “من 2013 في مشاكل مع الضرائب وعملنا اجتماع من اسبوعين”.
وواصل:” كان عندنا قضايا كثيرة في الفيفا و سددنا حوالي 4 مليون دولار للحصول على الرخصه الافريقية، وساعدنا محبين الزمالك منهم ممدوح عباس محمود الجمال وعمرو الجنايني، وفي داخل المجلس ناس ساهمت ولما بيدفعوا مقالوش هيبقى مقابل ايه”.
وأشار المندوة: “لجنة الاستثمار برئاسة محمد الاتربي لها دور كبير جدا في الزمالك، المحبين عنصر اساسي ولذلك في انديه جماهيريه انا مش جاي اكلم ع المنافس بس المحبين لهم دور”.
و اردف:”تحقيق الاستدامة الماليه؟ فكرنا نعمل ابلكشين علشان يدخل معنا الجمهور، ونادي اكتوبر هيكون مصدر كبير لحل ازمات الزمالك”.
وردا على سؤال هل المحبين لهم راي اكثر من مجلس الادارة بحكم الاموال اللي بيدفعوها؟ أجاب المندوة:” في عندنا محبين والله والله ماحد بيدخل في قرار، وعمرها ماحصلت ان اتقال هدفع كذه واعملوا كذه دول محبين للزمالك ساعات بنقولهم في مشكله ونتكلم فيها”.
وأختتم: “مستحقات اللاعبين كرة القدم كان لهم مليار جنيه
وصل للعيبه اخدوا 75-80٪ من مستحقاتهم عن الموسم الماضي وفي اجتماع معهم دلوقتي”
