فجر الإعلامي إبراهيم عبد الجواد مفاجأة من العيار الثقيل حول كواليس الصفقات الجديدة داخل القلعة الحمراء، مؤكداً أن إدارة النادي الأهلي وضعت النجم المغربي أشرف بن شرقي على رأس أولوياتها التعاقدية القصوى للفترة المقبلة، بعد حسم ملف تجديد حارس المرمى مصطفى شوبير.
وقال عبد الجواد،في تصريحات تليفزيونية ببرنامج “ملعب أون”،عبر قناة “أون سبورت”:” اشرف بن شرقي ومصيره مع الأهلي، أنتم عارفين إن أشرف بن شرقي بياخد مليون و400 ألف دولار في السنة،وعقده يخلص السنة دي”.
وتابع: “مسؤولي الأهلي بعد ما يخلصوا موضوع شوبير، وأهو خلص، وياسرإبراهيم، ومحمد هاني وبالمناسبة الاتنين دول لسه ما فيهمش جديد، هيلتفتوا أولًا وصاحب الأولوية القصوى هو أشرف بن شرقي. ليه؟ لأن هم شايفين إن هذا اللاعب هذه الصفقة هي واحدة من الصفقات الأجنبية المميزة جدًا اللي أثبتت نجاح منقطع النظير. والاهم في أشرف بن شرقي إنه بيظهر دائمًا في المواعيد الكبرى، هو رجل وبطل المواعيد الكبرى”.
و أضاف عبد الجواد:” يعني أشرف بن شرقي هتلاقيه في لقاءات الزمالك، هتلاقيه في لقاءات أفريقيا، هتلاقيه في اللقاءات الكبيرة واضح وظاهر وفارق وعامل لك الفرق بيصنع ليك الفرق”.
و شدد: “الفكرة كلها والمشكلة في إيه؟ إن أشرف بن شرقي بياخد مليون و400 ألف دولار، الأهلي حاطط سقف 900 ألف دولار، يعني هتلاقي بن جديدة بياخد 800 ألف دولار في السنة بقرار منصف بقراربياخد 850، هم حاطين سقف أجنبي لو أنت مين مش هتاخد أكتر من 900″.
وأختتم:” فهل أشرف بن شرقي هيرضى إنه ينزل من عقده نص مليون دولار؟ ده بقى اللي هتبينه المفاوضات الفترة اللي جاية”.
شاهد
