بعد تصريحات أبو ريدة عن عقود لاعبي الزمالك.. حسام المندوة يوجه سؤال هام بشأن قيمة عقد زيزو في الأهلي
وجه حسام المندوة، أمين صندوق الزمالك، بسؤال هام بشأن قيمة عقد أحمد سيد زيزو، مع الأهلي، خاصة بعد تصريحات هاني أبوريدة رئيس اتحاد الكرة.
وخلال تواجد المندوة في ضيافة الإعلامية لميس الحديدي عبر برنامج” الصورة “، على قناة” النهار”:” قالت له:” كان معايا المهندس هاني أبوريدة ضيف هنا وأثنى على الزمالك في الحصول على الرخصة .. فهل الزمالك حصل على رخصة أفريقيا بمجهوده ام بمساعدة هاني أبوريدة”.
ليجيب المندوه:” حصلنا على الرخصة بمجهودنا، يعني إيه بمساعدة هاني أبو ريدة؟، إحنا مكناش بننام علشان نقدر نخلص كل القضايا ونسدد الفلوس ونحل المشاكل للحصول على الرخصة”.
وعادت لميس الحديدي قائلة:” المهندس هاني أبوريدة قال معايا أن عقود الزمالك صحيحة.. هو في عقود صحيحة وعقود غير صحيحة!!؟
ليرد أمين صندوق الزمالك:” في كل حاجه،، هو لما أسمع إن فيه لاعب كان عاوز يتفق معانا على 80 مليون وأكتر، ونسمع إن عقده 5 مليون، ده يبقى معقول يعني”.
وسألته: “قصدك زيزو يعني؟!” امال مين اه، أقصد زيزو”.
وتدخلت مجددا لميس الحديدي:” يعني هو ده هيكون عقد مضروب يعني “.
ليضيف المندوه:” في عقود أخرى بتحصل، الكلمة اللي اتقالت هنا دي مناسبه أن الدولة تراقب ملف عقود اللعيبة، ومش بتهم حد، ولكن بعد التصريح ده من المهندس هاني أبوريدة الملف ده يتدرس ويتشاف صح”
وواصل: “هل معقول لاعب كان طالب 80 مليون وياخد 5 مليون؟ دي عليها علامات استفهام ولازم الملف ده يتدرس وممكن اقدم نناقشه في البرلمان”.
وأكمل المندوة:” لأ ده موضوع فتح النقاش وإحنا دورنا في البرلمان نناقش المواضيع كلها لأنها مال عام وعليه علامات استفهام
وزاد:” أنا بقولك اهوه لما المهندس هاني أبوريدة يطلع في برنامجك ويقول في عقود صحيحة وغير صحيحة ده ميحطش علامات استفهام لطرح الموضوع “.
وعادت لميس الحديدي وقالت:” هو لو شايف أن في عقود غير صحيحة في الأهلي أو أي نادي لماذا لم يتخذ الإجراءات”
ليؤكد المندوه:” هو حضرتك كاعلامية مسمعتيش خالص اي كلام عن عقود مسجله بخمسه مليون والأرقام دي”.
لترد لميس الحديدي:” زي ما بسمع عنكم في النادي حاجات كتيرة وانت حضرتك بتقول تقول حاليا كدب ومحصلتش “.
وأختتم:” مش دوري ده .. في محاسبين في كل نادي وجهات رقابية وميزانية لكل نادي وايه داخل وايه خارج”.
