أكد حسام المندوة، في تصريحات تلفزيونية عبر قناة «إم بي سي مصر»، أن هناك تصميماً تاماً من مجلس إدارة نادي الزمالك على أن يكون اللاعب خوان بيزيرا موجوداً في النادي داخل جمهورية مصر العربية قبل الحديث عن أي خطوة تخص خروجه من القلعة البيضاء.
وقال المندوة، خلال مداخلة هاتفية ببرنامج “اللعيب”، عبر قناة “mbc مصر”:” متى يعود بيزيرا إلى نادي الزمالك وماذا سيفعل مجلس الإدارة؟: “خلينا برضه نقول ما يمكن إن إحنا نقوله والباقي هتحفظ عليه علشان مش هنعرف نقول كل حاجة ولكن هو طبعاً في تصميم من مجلس الإدارة إن بيزيرا لازم يكون موجود في النادي قبل أي كلام عن خروج بيزيرا من نادي الزمالك، وده إن شاء الله هيتحقق بإذن الله بشكل قريب”.
و أضاف:” لسه مفيش ميعاد محدد العودة في شغل على هذا الملف يومياً إنت بتتكلم في الموضوع ما بين حد بيقول أنا وعدت قبل كده بأن أنا همشي من نادي الزمالك، وإحنا بنقول إن إحنا حالياً لازم يكون موجود في نادي الزمالك علشان أصلاً نتكلم في أي شيء”.
وواصل المندوة: “طبعاً في شوية إيميلات رايحة وجاية كتيرة كل يوم بهذا الشكل وإن شاء الله في شبه اتفاق هيكون موجود مرضي الأطراف كلها بشكل قريب بحيث برضه نادي الزمالك يحافظ على حقوقه ويتعمل برضه اللي مجلس الإدارة قاله من أول يوم إن لازم اللاعب يكون موجود في داخل مصر عشان نبدأ نتكلم في أي أمور ثانية”.
فأجاب ردا على سؤال:” في عروض أخرى غير شباب أهل دبي لبيزيرا في عروض أخرى؟:” لا هو العروض والأمور دي كلها حقيقة الأمر مش أنا اللي ماسكها فعلاً مش عارف وده ملف وبيقوم به مجموعة من مجلس الإدارة شغالين فيه مع نصر عزام و عمرو أدهم وإحنا بنعرف بس الدنيا ماشية إزاي في أي اتجاه وحاطين تصور معين زي ما قلت لك أو إن هو لازم يرجع القاهرة وبعد كده نتكلم في إيه’.
