كشف حسام المندوة، أمين صندوق الزمالك، حقيقة توقف ممدوح عباس رئيس الفارس الأبيض الأسبق عن تقديم دعم للنادي خلال الفترة الحالية، وتطورات ملف شركة الكرة
قال المندوة،في مداخلة هاتفية ببرنامج “اللعيب”،عبر قناة “mbc مصر”:” شركة الكورة برضه أنا كتير جداً بتسائل السؤال ده هل تم إغلاق هذه الصفحة على الإطلاق كل مجلس الإدارة بالإجماع أنا يمكن كنت عندي اعتراض سابق وأعلنت عنه في بالنسبة لنسبة نادي الزمالك للمستثمرين في شركة الكورة ولكن بالإجماع”.
وأ شار:” كلنا بنقول إن شركة الكورة شيء أساسي عشان نادي الزمالك أو فرقة كورة نادي الزمالك تدار بشكل جيد الفترات القادمة ويحصل فيها استدامة إدارية واستدامة مالية فموضوع شركة الكورة يقيناً لن ينتهي إلا بشركة بوجود شركة كورة “.
وشدد المندوة:” الفترة الحالية إحنا بنشوف التصور اللي من وجهة نظرنا جيد ووجهة نظرنا دي يعني وجهة نظر الأغلبية داخل مجلس الإدارة حتى إن كنت أنا أحد المعارضين لنسبة سابقاً يعني وما زلت برضه معارض لجزئية النسبة “.
وأكمل:” ولكن عشان أشرح الحتة بس دي في عجالة كده هي النسبة مش موضوع بس عشان نادي الزمالك هو اللي يكون متحكم دائماً لأن في الشركات ممكن تحط شروط برضه ليك تديك حق الفيتو في وقت من الأوقات اللي بتسمى ريزيرف ماترز أو مواد التحفظية اللي أنا ممكن أتحفظ عليها على قرارات شركة الكورة في بعض النقاط الهامة الموضوع ده عشان يتم بشكل كويس فنحس إن إحنا راضيين يعني عن شركة الكورة لما نسلمها المستثمرين لازم نحط شروط من وجهة نظرنا إنها تحفظ حقوق نادي الزمالك في أي وقت “.
وزاد:” فده اللي إحنا شغالين فيه حالياً مع تواصل مع مستثمرين برضه يكونوا موجودين في هذا الملف وبنشوف إن في استجابات جيدة يعني من ناس كتير “.
فأجاب ردا على سؤال:” هل رفع الأستاذ ممدوح عباس دعمه لنادي الزمالك؟:” الإجابة لا أستاذ ممدوح عباس من الناس المخلصة جداً لنادي الزمالك والمحبة جداً لنادي الزمالك وهناك محبين برضه آخرين يمكن هو ممدوح اللي أعلن عنهم قبل كده في أحد اللقاءات زي الأستاذ محمود الجمال زي الأستاذ طارق يونس حقيقة مجموعة كبيرة جداً في منهم من يدعم بالمال من يدعم بالعلاقات من يدعم بالتأثير الإيجابي هنا وهنا منهم عمرو الأستاذ عمرو الجنايني “.
وأختتم:” الأستاذ ممدوح بالعكس متواصل يمكن تواصل معايا أنا شخصياً الفترة اللي فاتت بشكل كبير جداً وكل تواصل ليه كيفية إيجاد إيجاد سبل دعم لنادي الزمالك فهو دائماً يعني داعم ومحب لنادي الزمالك”.
