برر الإعلامي أحمد شوبير، الأخطاء التي يقوم بها الحكام لصالح الأهلي ناديه السابق، و أثار الجدل بشأن الزمالم.
وقال شوبير،خلال تصريحات تليفزيونية ببرنامج “الناظر مع شوبير”،عبر قناة” النهار”:” من بداية الدوري العام، وبعيدًا عن كوني أهلاوي يعني، فالحق الأهلي بيتجامل؟ طيب ماشي، فين بقى؟”.
وتابع:” آه، البنالتي اللي في مباراة الأهلي مع الشرقية إنبي، فقام طلع كل المحللين، باستثناء واحد بس، كل المحللين قال لك ضربة جزاء صحيحة 100% لأشرف بن شرقي، فيها دفع وبالتالي فيها ضربة جزاء، وقالوا صحتها، ما عدا محلل واحد، كابتن جهاد جريشة”..
وشدد شوبير:” هو تواصل معايا ودافع عن وجهة نظره، وأنا قلت له وجهة نظر تحترم، لكنها غير صحيحة يعني.”.
وواصل:” ثم يشاء السميع العليم إنه الأسبوع اللي بعده على طول، بتروجيت يجيب جون في الزمالك بنفس اللعبة، نفس اللعبة: دفعة، لاعب الزمالك وقع، لاعب بتروجيت جاب جون، الحكم شاف الدفع واحتسب فاول، قرار صحيح 100%.”.
ؤ أكمل شوبير:” فاول يعني، بس هي كانت نفس اللعبة بتاعة الأسبوع الأولاني، بس الأولانية كانت للأهلي، خلي بالك يعني، جينا مباراة الأهلي وسموحة، الحقيقة نفس اللعبة، نفس اللعبة، ونفس اللاعب أشرف بن شرقي، بس الدفعة المرة دي أقوى، أقوى بكتير”.
وأشار:” أشرف بن شرقي رايح على الكورة، والدفع مش في الكتف، دفعة 100%، دفعة 100% فاول.، الفاول بقى جوه المنطقة أو بره المنطقة، ما عنديش مشكلة، لكنه فاول. فهي جوه المنطقة، فبينالتي، فأمين عمر، أو الكابتن أمين عمر، ما حسبش، والمساعد اللي كانت جنبه الكورة ما رفعش، والفار ما استدعاش، وكل المحللين أجمعوا إنها ضربة جزاء”.
و أضاف شوبير:” ثم كورة لمنصف بقرار على حدود المنطقة، مش داخل المنطقة، عرقلة واضحة جدًا جدًا بنسبة 100%، ما كانتش جوه، فهنا الفار ما يستدعيش، الكابتن أمين عمر ما شافهاش في الأول، لكن الإعادة كلها قالت إنها فاول على حدود المنطقة، يعني على بعد 20 ياردة بالضبط”.
وزاد:*لو جبنا الصورة بتاعتها هتشوفوها، يعني على بعد 20 ياردة بالضبط، وهجيب لكم الدفعة بتاعة أشرف بن شرقي كمان، فكابتن أمين عمر ما حسبش، ماشي، تحصل، ثم اللعبة بتاعة عمرو الجزار مع فادي فريد، مهاجم سموحة، دي الدفعة بتاعة بن شرقي في ماتش إنبي، كويس، هنجيب لكم تباعًا كده اللقطات”..
و أردف شوبير:” ثم كورة عمرو الجزار مع فادي فريد، مهاجم سموحة، اللي عمرو لعب الكورة وخدها هنا، الغالبية أجمعوا إنها لعبة صحيحة، واللعبة على الكورة”.
و استطرد:” وإمبارح أنا اتفرجت مع زميلي وصديقي العزيز سيف زاهر على كابتن أحمد الشناوي وكابتن إبراهيم نور الدين، وقالوا الكورة صحيحة بنسبة 100%، لأن أنا ما بحبش شغل المواءمة، إن أنا أقول دي بينالتي وفي المقابل أقول دي طرد. ما بحبش كده، إنت تقول القرار الصحيح، ما فيهاش فصال يعني، لكن الغالبية، باستثناء اثنين، قالوا اللعبة صحيحة، والقرار كان هايل من أمين عمر، إن استئناف اللعبة مفيش فيها حاجة، واثنين قالوا لا، كان يستحق البطاقة الحمراء، لكن الغالبية هنا بتقول إن اللعبة صحيحة ولا تستدعي الطرد”.
وأكد شوبير: “أدي كورة بتروجيت، وأدي الدفعة في ظهر لاعب الزمالك، واللي جه منها هدف، بقول لك أدي الدفعة، وأدي الفاول الصحيح، وأدي الهدف اللي لم يحتسب لأنه لم يكن هدفًا، لأنه كان فيه فاول، لكن هنا الدنيا تقلب، يعني إيه؟ آه حلو، التحكيم فير مع النادي الأهلي بقى يا عيني، بتلاقي حملات عنيفة”.
و أستكمل:” أنا بتكلم بمنتهى الوضوح، بعيدًا عن أهلاويتي يعني، أنا بتكلم بالصور، باللقطات لكن الحملة من البداية، وأنا الحقيقة للإنصاف، أكتر مباراة في حياتي شفت كابتن أمين عمر مشدود جدًا جدًا”.
و استأنف شوبير:” وأنا أصلًا من محبي الحكام بشكل عام، وأمين عمر بالتحديد، ده راجل دولي وكأس العالم، لكنه في المباراة دي واضح إنه كان هناك تأثير شديد جدًا جدًا عليه، يعني بمنطق الخوف أو القلق أو يعني شوية، فإنت بقالك بينالتي صحيحة لا تُحتسب، وعرقلة على حدود منطقة الجزاء وتستوجب إنذار ولا تحتسب، بالإضافة لفاولات في وسط الملعب، وكورنر ليك تتحسب أوت، حاجات حاجات كده برضه فيها توتر”.
و اسهب:” أنا بفهمها يعني، ووارد وعادي جدًا في التحكيم يعني، لكنه الأهلي حتى لما بيبقى له حقوق، إنت بتطلعه لا، إنه ظالم، أنا شايف حملة كده شغالة كده، إنه لا الأهلي ظالم وإنه في مجاملات.، وده نفس اللعبة بتاعة أشرف بن شرقي اللي اتحسبت بينالتي للزمالك، اتحسبت فاول، أدي اللعبة بتاعة أشرف بن شرقي، بصوا الولد على الأرض، أشرف اختل توازنه بالدفعة اللي كانت في الظهر”.
وأختتم: “لو تجيبوا الصورة قبلها بسنة تبقوا جدعان قوي، ففي الآخر ليه؟ أهي بتاعة الزمالك دفعة، دفعة أهي في الظهر، فاول، فحضرتك ليه ما بتقيسش بنفس المقياس؟ ليه إنت اللي ممشيه على الأهلي مش ممشيه على الزمالك؟ وبيأثر ده، أثر على حكم مصر الأول واضح جدًا يعني، ففي حاجة، فالقصة صعبة يعني”.
وأتم:” انا الحقيقة بجد القصة صعبة وهم هيغلطوا الحكام، لولا ياسر إبراهيم سجل هدف المرة دي كان بالتعادل، والأهلي كان يخسر نقطتين، ولولا الصفارة اللي اتصفرت فاول على مهاجم بتروجيت، اللي كان فاول، كان بتروجيت ممكن يكسب المباراة، بتروجيت كان مسيطر جدًا في اللقاء فالعيون ما بتبقاش واحدة في الحكم، الحقيقة، والشغل على فريق واحد يتصادف يعني هي مصادفة إن النادي الأهلي ممكن يعني، فهنا دي برضه نقطة مهمة جدًا لازم الناس تاخد بالها منها”.
