“عاوزين 21 مليون”..حسام المندوة يوضح تفاصيل جلسة وزير الرياضة.. وجديد أزمة الأوقاف مع الزمالك
أوضح حسام المندوة، أمذن صندوق الزمالك، كواليس جلسة مجلس إدارة النادي مع جوهر نبيل، وزير الشباب والرياشة بشأن الفارس الأبيض.
وقال المندوة خلال تصريحات تليفزيونية ببرنامج “الصورة”، عبر قناة “النهار”:” كان في اجتماع مع وزير الرياضة جوهر نبيل وكان مهم جدا، ومن ضمن الاجتماعات الدوريه التي يتم عقدها معه لنتناقش في الامور الموجوده زي ارض اكتوبر ووصلنا لفين ومواضيع كثيره كلها تخص الزمالك”.
وتابع:” السؤال من الوزير بيكون خطواتنا ايه لنخطو للامام، الزمالك مر بظروف صعبه لمدة 20 سنه ونحاول تصحيح المسار، الكلام عن مشارعنا القادمه ومنها ارض اكتوبر والشراكه مع الاوقاف وشركة الكره، جبنا فلوس قبل كده والتحدي الاكبر الاستدامه المالية”.
وواصل المندوة:” موضوع الاوقاف، ارض الاوقاف اول المجلس ما بدا كان في ارض استبدال اشتريناه، وكان في تعثر وفي قضيه من الاوقاف وكانت الارض هتتاخد وهيتححز عليها ومساحتها 90 متر غير 50 متر اللي هو حق الانتفاع، ودفعنا اخر شيك من شهر في ارض الاستبدال واشتريناها واصبحت ملك النادي”.
وشدد:” الاوقاف بتعيد صياغة اراضيها وده حق الدوله ولازم يبقى في توازن الاوقاف كانت مانحه الزمالك الارض حق انتفاع بقيمة 500 الف، عاوزه حاليا 21 مليون جنيه حق انتفاع، والزمالك مش هيقدر حاليا يدفع، ففكرنا في الشراكه مع الاوقاف وفي ارض قيمتها كبيره ونستثمرها مع الاوقاف ممكن نعمل مول وقيمتها اكتر من 21 مليون وبندرس هل نستمر حق انتفاع او نشتريها والسعر يكون رياضي لان ده نادي ومفيش دخل”.
وأختتم:” النقطه المهمه حتى لانصدر ان في خلافات، الاوقاف عاوزه اكبر قيمه وده حقها واحنا نادي رياضي ولازم نلجأ لشركات تقيم المكان ونصل لرقم مناسب الزمالك”.
