ليه الجماهير تتحمل أخطائكم؟”.. رسائل حادة من أحمد سليمان بشأن صفقات الزمالك وجون إدوارد

أدلى أحمد سليمان، عضو مجلس إدارة نادي الزمالك والمشرف على قطاع الكرة، بتصريحات نارية وصريحة خلال استضافته في برنامج “اللعيب” على قناة “MBC مصر”، كشف خلالها عن كواليس هامة تتعلق بملف الصفقات، وتكلفة التعاقد مع اللاعب أحمد بيزيرا، فضلاً عن تطورات ميزانية الكرة بالنادي.

وقال سليمان:” في بيان طلع من المجلس ان بيزيرا مش هيتباع مفيش غير البيان قدامي “.

و أضاف:” من شهرين بنكلم على بيزيرا، وقولنا يجي مصر الأول وبعدين نقرر، وانا كاحمد سليمان بقولك ان تكلفة صفقة بيزيرا كام عقده مليون و800 الف دولار، ومكلفنا 2 مليون ونصف دولار اول موسم”.

وتابع سليمان: “ميزانية الكرة وانا مشرف على الكرة اول سنه كانت 500 مليون والسنه التانيه زادت شويه ولكن السنة التالته تخطت المليار جنيه”.

وشدد:” في ناس بتتفاوض معندهاش صياعة كرة القدم، وانا مشرف على الكرة جبت صفقات كان محمد شحاته اكبر عقد، وجبت محمد عاطف فري وميشالاك كان قيمة عقده فقط”.

وواصل سليمان: “كان فكرة المدير الرياضي وقال انه يقدر يسوق لعيبتي وباع الاساسين دونجا وناصر ماهر” .

وردا على سؤال ليه الجماهير تتحمل اخطائكم؟ أجاب:” في ناس غشيمة، عملنا اول سنة مجموعة كويسه واشتغلت مع مكاي واخدت منه تثبيت الفريق”.

و. اشار سليمان: “مانتم بيعتم ناصر ماهر ودونجا؟:” مش انا، وانا واحد من ضمن مجلس ادارة”.

وأختتم:” التثبيت شئ اساسي والاحلال والتجديد بيكون اقل، احنا فوق اهو وفرق المليارات تحت، الاهلي نفس مستوى الموسم الماضي والزمالك بيكسب في الظروف دي وانت زعلان شكرا للزمالك على اللي هو فيه”.