كشف حسام المندوة، أمين صندوق نادي الزمالك، موقف مجلس الإدارة من طلب حكام أجانب لإدارة مباراة الأهلي في الدوري بعد طلب الأخير.
وقال المندوة، خلال مداخلة هاتفية ببرنامج “اللعيب”، عبر قناة “mbc مصر”ردا على سؤال:” النادي الأهلي طلب حكام أجانب لمباراة القمة هتطلبوا حكام أجانب أنتم كمان؟:” ما عندناش مشكلة يعني الأمور دي إحنا مش عاوزين نقف عندها كتير بما إن في وقت معين “.
وتابع ردا على سؤال أيوه ماشي الأهلي طلب حكام أجانب لمباراة بيراميدز ومباراة الزمالك رسمياً كده إنتوا هتعملوا كده ولا ايه؟:” ما أخدناش القرار ده في حاجة بس إحنا ما عندناش مشكلة حتى بالحكام المصريين ما فيش مشكلة خالص “.
وواصل المندوة:” معتمد جمال نجح ولا لسه؟ أنا مش عاوز أحط معتمد جمال في الحتة دي خالص إن إحنا حاطينه تحت ضغط دلوقتي برغم إن هو معتمد أكيد حاسس بخطورة الموقف اللي هو مسؤول عنه حالياً دلوقتي “.
و اتم: ” بلا شك معتمد جمال هو أنسب من يكون مسؤولاً عن الزمالك في الفترة دي اللي ظروف كتيرة جداً جداً لغاية هذه اللحظة معلش يمكن الأداء مش مرضي في الماتشات السابقة ولكن إنت في الفترة الأولى من الموسم بعد مشكلة فترة الإعداد إنت محتاج بالفعل يعني تنتزع النقاط زي ما بيحصل كده فهو ماشي بشكل كويس وإن شاء الله إحنا داعمين لمعتمد جمال بشكل كبير جداً جداً “.
