كشف حسام المندوة، أمين صندوق الزمالك، تطورات جديدة بشأن أزمة البرازيلي خوان بيزيرا، لاعب الفريق الأول لكرة القدم بالنادي.
وقال المندوه، خلال تصريحات تليفزيونية ببرنامج “الصورة” على قناة” النهار”: ” عن أزمة خوان بيزيرا؟ بيزيرا هيرجع قريب إن شاء الله”.
واضاف:” في الحياة فيه مواضيع محتاجة تفاوض، وإحنا بنتواصل بشكل رسمي وقانوني علشان نوصل لأعظم استفادة من الموضوع”.
وواصل المندوة ردا على سؤال:” افهم من كلامك أنه كده هيتباع؟! طيب افرض مجاش؟:” الكلام عن بيعه مش هيحصل إلا بعد عودته الأول ونتكلم وده اللي قولناه ليه’.
وشدد: “موقفنا القانوني منضبط، ولو مرجعش هيبقى فيه إجراءات قانونية شديدة”.
و أجاب المندوة على سؤال يعني ممكن يجيي ويكمل طيب والانضباط وأوضة اللبس بعد اللي عمله؟:” احنا فرقتنا لم يحدث فيها أي شيء وبنفرض الانضباط، عيبنا إننا ما بنتكلمش كتير .. متقلقيش “.
وردت الإعلامية لميس الحديدي قائله:” ما هو كابتن حسين قعد يقول: «متقلقيش، متقلقيش» واديك شوفت”.
ليعود المندوه ويرد:” خلاص اقلقي”.
وأختتم:” بيزيرا هيرجع امتى ورقم بيعه اللي الزمالك عايزه كام؟:” بيزيرا هيرجع خلال أيام، ورقم بيعه الزمالك كان قاله في بيان رسمي إنه طلب 6 مليون دولار”.
