شدد حسام المندوة، أكين صندوق الزمالك، على سعي مجلس الإدارة لإنهاء أزمة إيقاف القيد قبل يناير المقبل، من أجل دعم الفريق بصفقات قويه من أجل المنافسه بقوة والحصول على بطولة دوري أبطال إفريقيا.
وقال المندوة، في تصريحات متلفزة عبر قناة “النهار”:” جون ادوارد كان في امور مكنش موافق عليها واتحفظ على ذكرها، ومشي، مشاكل القيد فتحنا تحقيقات علشان نحاسب المخطئ لازم ننهي خطأ ايقاف القيد وبنحاول نعمل ده”.
و أضاف:” وهيتنفس الزمالك لما يحل القضايا، مطلوب مننا 6 مليون دولار لانهاء القضايا الدوليه، المفروض نسدد قبل يناير علشان نجيب صفقات لدعم الفريق”.
وأجاب ردا على سؤل هل هتقدروا تدفعوا وتفكوا القيد؟: ” ان شاء الله وهو تحدي، وفكينا القيد اول لما جينا وحصلنا على الرخصه الإفريقية وكل الاجابات نعم قدرنا المحبين بيدعمونا ومستمرين”.
وواصل المندوة: “شركة الكرة ده موضوع لازم ياخد وقته علشان لما نعرضه علي الجمعية العمومية، عندنا عروض ولم يخاطب الحبتور الزمالك واذا كان عاوز يستثمر يتقدم بطلب رسمي للمجلس”.
و أردف:” وفي عروض من مصر والخليج وحريصين ان يكون في مستثمرين مصريين هيكون في شركات هتقيم الاصول الخاصة بالكرة “.
و أشار المندوة:” هنحاول نحل ازمة القيد، وهنبدا نشتغل بسرعه في اكتوبر وبناخد اجراءات قانونيه حاليا ومستعدين واتفاقياتنا مع المستثمرين موجوده، لم يكن هناك اي استثمار عقاري في ارض اكتوبر اللي اتسحبت وانما وحدات ادارية ولم تكون كمبوند”.
وأختتم: “داخلين عندنا هدف نحصل على دوري الابطال ومحتاجين دعم للفريق باذن الله يحصل في يناير، وايضا الدوري للسنه التانيه المجلس حصل على بطولات جيدة، وطموحات الجماهير اكبر من كده وده حقهم”.
