شن أحمد حسام ميدو، هجوم قوي ضد مجلس إدارة نادي الزمالك بعد الخسارة من الغريم التقليدي الأهلي، ووجه رسالة عاصفة لحسين لبيب رئيس الفارس الأبيض.
وقال ميدو، خلال تصريحات تليفزيونية ببرنامج” أوضة اللبس”، عبر قناة” النهار”: “فرق كبير بين مجلس ادارة الاهلي اللي عنده خطه ومنظومة واضحه كابتن خطيب ترك المهمه والاشراف للسيد ياسين منصور وكابتن سيد عبد الحفيظ وتعاقدوا مع عموته وجابوا له لعيبة، وفي تلاحم وانسجام في المنظومة”
وتابع:” الناحية التانية في الزمالك في مشاكل مجلس الاداره منعزل عن فريق الكزة، ومفيش خطة واضحه لتطوير قطاع كرة القدم بالزمالك في فجوه وفرقه الكرة مش محميه بالشكل الكافي”.
وشدد ميدو:” بالحديث عن الحمايه لازم نتكلم عن الحكم، الحكم السلوفيني، رادي، الرجل ترك انطباع انه مش حكم على مستوى الحدث وده كلام الناس”
وأكمل: “عصام عبد الفتاح له تاريخ كبير في ادارة منظومة التحكيم لما رجع لرئاسة لجنة الحكام كنت سعيد لان عارف هم ادرى الناس بمشاكل الحكام واسناد المباريات لحكام مناسبين ومشاكل الحكام ولما تجمع كابتن عصام وجمال الغندور ومحمد الصباحي وسمير عثمان انت لغيت فكرة ان حد بيحارب حد لان كان في حرب سابقه نجاح انهم يكونوا مع بعض، نأمل مشكله التحكيم تتطور وعارفين ان في مشاكل وعرفين ان كابتن عصام اجدر واحد بحل الازمات”.
وأشار ميدو:” الزمالك عنده مشاكل مينفعش اهاجم مجلس ادارة الزمالك دلوقتي، ولازم يراجعوا نفسهم في مشاكل ماليه وهم السبب فيها مجلس ادارة الزمالك بيقول المسئول عن القضايا من كان يدير منظومة كرة القدم لكن المسئوليه على اصحاب المناصب ومجلس الادارة نفسه في مشاكل كتير “.
و أردف :” مجلس الادارة بيحاول يجتمع 5 او6 مبيحضروش
كابتن حسين لبيب ارجوك لازم تقعد الناس على الترابيزة وتتحملوا مسئولياتكم عارفين الموقف صعب وعارفين انكم بتجهتدوا ورسالتي لكابتن حسين لازم يقعد الناس كلها على الترابيزه انا مبتصيدش اخطاء”.
وزاد ميدو:” انما بقول مشاكل من امتى المدير التنفيذي يطلع يكلم بالاعلام اللواء حسن موسى مع احترامي له بنشوف حاجات اول مره تطلع وعيب ان يتسرق شاشات وبلاي ستيشن لوحصل عيب يطلع في الاعلام، لانه ببيسئ لسمعة الزمالك، والتاريخ لا ينسى اول حاجه قولتوها قبل الانتخابات تغيير الصورة الذهنيه ولكن اللي بيحصل بيسئ للزمالك”.
وأختتم:” شايفين النيابه بيتم التحقيق في المخالفات الماليه منذ 2020، الواقع لازم احله مهربش منه ودي رسالتي لكابتن حسين وشايف ان مفيش سيطرة على المجموعه منذ اليوم الاول، والزمالك بيدفع التمن ولو عايزين اقول وقائع اكتر اقول بس مش وقته”.
