أبدى عماد متعب، خلال وجوده في الاستوديو التحليلي قبل مباراة الأهلي ومودرن سبورت عبر قناة ON Sport، ملاحظات بشأن تقييم لاعبي الفريق وقرارات الاستبعاد، كما تطرق إلى حدود دور مدير الكرة.
دعوة لعدم المبالغة في تقييم اللاعبين
وقال متعب: «متضخموش اللاعيبة يا جماعة، وبعد ما اللاعب يبطل كورة قول اللي أنت عايزه عليه، لأن اللاعب عندنا بنطلعه السما بعد موسم واحد، وهو أصلًا مش كده».
وأضاف: «اللعيبة كلها شبه بعض حالياً».
موقفه من استبعاد إمام عاشور ومحمد هاني
واعتبر متعب أن استبعاد إمام عاشور صحيح، قائلاً: «استبعاد إمام عاشور صحيح، لأنه بيلعب على قد الماتشات وقد الدقايق».
وفي المقابل، أبدى استغرابه من استبعاد محمد هاني، موضحًا: «أما استبعاد محمد هاني، فأنا مستغربه. لو أنت مخرجه عشان التجديد، فدي مشكلة، ولو خرجته عشان إنه كان غير موفق قدام القناة، فدي مشكلة أكبر».
معيار المحاسبة وحدود دور مدير الكرة
وقال متعب: «لازم نحاسب اللعيبة اللي مش رجالة، مش اللعيبة اللي مش موفقين»، مضيفًا: «أنا مبحاسبش اللاعب اللي كان وحش، أنا بحاسب اللاعب اللي مكنش راجل».
وتابع: «الحاجة الوحيدة اللي اللاعب بيمتلكها إنه يكون راجل في الملعب، إحنا عايزين رجولة في الملعب».
كما رفض تدخل مدير الكرة في اختصاصات المدير الفني من دون إذنه، وقال: «مينفعش مدير الكرة يدخل في اختصاصات المدير الفني، إلا لو بقى المدير الفني سمح له بكده، لكن ساعتها المدرب هيخسر مصداقيته مع اللعيبة وهيحصل خلل فني».
