انتقد أيمن يونس تعامل حكم مباراة الزمالك والأهلي مع لقطة تخص شيكوبانزا داخل منطقة الجزاء، بينما طالب حازم إمام بمراجعة لقطات اللاعب، في حوار مع سيف زاهر عبر الاستوديو التحليلي على قناة ON Sport بعد المباراة.
أيمن يونس ينتقد قرار الحكم
وقال أيمن يونس: «شيكو بانزا ليه ضربة جزاء بس الحكم مش راضي يشوف الحاجات دي خالص»، معبرًا عن اعتراضه على تعامل الحكم مع الحالة.
حازم إمام وسيف زاهر يختلفان حول دفعة مروان عطية
ومن جانبه، أشار حازم إمام إلى احتكاك آخر، قائلاً: «كان في لقطة لدفعة لشيكوبانزا من مروان عطية أنا مش عارف ليه تقنية الفيديو مدخلتش فعلا».
ليرد عليه سيف زاهر: «بس دي صعبة اوي يعني يا حازم هو طار لوحده»، لكن حازم إمام تمسك بقراءته للعبة، موضحًا: «لأ شوف اللقطة كويس هتلاقي طار بسبب الزقة دي واللي كان لولاها كان ممكن يقدر يحطها».
وعاد سيف زاهر للاستفسار: «يعني هو طار كل ده بسبب مروان عطية»، ليجيبه حازم إمام: «اه ودي فيها شك ضربة جزاء.. طيب وكرة اشرف داري يا سيف على شيكوبانزا».
لقطة أشرف داري ومطالبة بمراجعة الحالات
وبانتقال الحوار إلى احتكاك أشرف داري مع شيكوبانزا، قال سيف زاهر: «لأ دي فيها كلام بصراحه .. بس احنا هنا مش هنتكلم على التحكيم».
ليوضح حازم إمام أن مقصده يتعلق بتقييم الحالات نفسها، مؤكدًا: «أنا بتكلم على اللقطات نفسها كانت محتاجه تتراجع».
