أعرب الكابتن علي ماهر، المدير الفني الجديد للمنتخب الوطني المصري، عن فخره واعتزازه بتولي القيادة الفنية للفراعنة، مؤكداً أنه ابن الدوري المصري والمنتج الوطني الذي يثق تماماً في قدرة المدربين المصريين على تحقيق الإنجازات وإعادة الكرة المصرية إلى منصات التتويج.
وقال ماهر، خلال مداخلة هاتفية ببرنامج “ملعب أون”، عبر قناة “أون سبورت”:” الحمد والشكر لك يارب، عندنا مدربين مصريين جيدين وانا من جوه المنتج الجميل في الدوري المصري، تدريب منتخب مصر هدف لكل مدرب ونسعى لأن نصل له”.
وتابع:” بشكر كابتن حسام وابراهيم على ما قدموه مع المنتخب واكمل اللي بدأوا وان شاء الله اعمل حاجه وجاي علشان مصر ونقدر نفوز ببطولة”.
وشدد ماهر:” المهم يبقى عندك هدف وتوصله وتحاول وتشتغل والحياه صعبه ومفيش حاجه بتيجي سهلة، وعاوز الناس كلها تلتف حول المنتخب، وعندنا افضل لعيبه في تاريخ مصر، وعاوزين يعملوا حاجه لبلدنا، وعندنا احسن لاعب جه في تاريخ مصر وقدوة ولكل اللعيبه محمد صلاح وان شاء الله نعمل حاجه مختلفه”.
وواصل:” بشكر اعضاء اتحاد الكرة وناس عاوز تعمل احسن حاجه للبلد وناس بتعرف تفكر وبيخلقوا مناخ تعرف تشتغل فيه”.
و أكمل ماهر:” انت بتختار جهازك بناء على ايه؟ بتختار يكون له تأثير ولو جاملت في اختيارك هيبان، ولازم تختار حد مؤثر وله دور وسابوني اختار ولازم مع المنتخب تجيب ناس مسئولة وبتحب الشغل”.
و أردف:” رفضك لوجود مدير منتخب؟، ليه يبقى في وسيط ليه مكونش مني للمسئول مباشرة، ومهندس هاني أبوريدة تفهم ده جدا واللعيبه حاجه تشرف وعملت المداخله علشان اقول لازم الناس تدعمهم، المهم الجماهير يكونوا حول الفريق وبنوعدهم يبقى المنتخب قوي وشرس هجوميا ودفاعيا والناس تستمتع بالكرة اللي هنقدمها”.
وأختتم:” بحب اكون متعاطف مع الانسان المكافح وبوجه الرساله دي لاي حد في اي شغلانه اللي بيكافج وببشقى وبيحضر وبيشتغل لازم نتعاطف معه، ودايما تسيب المجهود يتكلم والصمت حلو اوي”.
