“المنتج في أسوأ حالاته”.. حلمي طولان يفجر مفاجأة حول شركة الكرة بالزمالك وسبب خوفه- فيديو

“المنتج في أسوأ حالاته”.. حلمي طولان يفجر مفاجأة حول شركة الكرة بالزمالك وسبب خوفه- فيديو
Oplus_131072

أبدى الكابتن حلمي طولان تحفظه الشديد على توقيت طرح فكرة إنشاء شركة الكرة بنادي الزمالك، محذراً من أن الظروف الحالية للنادي ستؤدي إلى إهدار قيمته التسويقية والاستثمارية.

وقال طولان،خلال تصريحات تليفزيونية ببرنامج” يا مساء الأنوار”،عبر قناة” mbc مصر2″: • عن الحضور في الاجتماع الثاني:
“اللي حصل في الاجتماع ده كان الكابتن فاروق، محمد أبو العلا، كان موجود كابتن حسينو كان موجود أحد أعضاء المجلس صغار السن أحمد خالد حسنين، وكان الدكتور عبد الله جورج قاعد، والمتحدث الإعلامي مستشار المجلس كان موجود، وجت نيرة الأحمر في الآهر”.

وتابع:” أنا بالنسبة لي كان تخوفاتي من حاجتين؛ الحاجة الأولى إن توقيت عمل الشركه، المفروض أنا لما بعمل استثمار يبقى المنتج بتاعي في أحسن حالاته عشان أقدر أبيعه بشكل كويس. الزمالك مش في احسن حالاته، ده كان بطل الدوري بس الوضع المادي غير مستقر في النادي وفرقة الكورة برضه غير مستقرة، فده الوضع ده مش هتبيع خالص المسألة هتاخدوك يعني. ما هو ده تخوفنا بمنتهى الأمانة إن إحنا عايزين المنتج يبقى ياخد قيمته الحقيقية فده مش هيبقى متوفر.”

و شدد طولان: “الحاجة التانية: أنتوا ليه عاملين الجمعية العمومية يوم تلات؟ هل أنتم متخوفين من حاجه؟ ما هو ده بيثير الشكوك والتساؤلات، ليه ما تخلوش جمعة والناس كلها تيجي وتدوا فرصة للناس كلها تيجي وتقول رايها؟ هما عايزين يبقى الأمر يحال إليهم هما أصحاب القرار لما ما تكتملش الجمعية.”

عن تقييمه للاجتماع الثاني ورد فعل حسين لبيب:
وواصل: “فاترد علينا يعني الكابتن حسين طبعاً كان بيسجل كل حاجة ورد علينا بشكل يعني كبير يعني، فيعني إلى حد ما الجلسة دي كانت أفضل من الأولانية لأن كان فيها تركيز قوي على حاجات محددة اتجاوب عليها الكابتن حسين، والكابتن فاروق برضه اتكلم بشكل قوي جداً.”

شاهد:

•

أحدث الأخبار