فجّر الكابتن حسن شحاتة مفاجآت مدوية خلال مقارنته بين أزمته الشهيرة مع أحمد حسام “ميدو” في 2006، وواقعة استبدال محمد صلاح تحت قيادة حسام حسن، مؤكداً أن المدرب يمتلك الحق المطلق في فعل «ما بدا له» داخل الملعب وغرفة الملابس (4:25).
صلاح مجرد لاعب ضمن الـ 11
جاء ذلك خلال حواره التلفزيوني مع الإعلامي مهيب عبد الهادي، والذي تطرق خلاله لعدة ملفات فنية وإدارية تخص المنتخب الوطني.
صلاحيات المدرب وحق استبدال أي لاعب
ورداً على سؤال مهيب عبد الهادي حول مقارنة واقعة خروج ميدو بموقف حسام حسن عند استبدال محمد صلاح، شدد “المعلم” على اختلاف الظروف، مؤكداً أن المدرب يملك الحق المطلق في إدارة فريقه.
وقال حسن شحاتة: “لا هي الظروف مختلفة آه، لكن هي المفروض المدرب عليه إن هو يختار اللعيبة بتاعته ويعمل مع اللعيبة بتاعته ما بدا له، شوف (ما بدا له) الكلمة ديت جامدة يعني كلمة كبيرة؛ يعمل ما بدا له في اللعيبة، يغير ده، ينزل ده، يقعد ده على الخط، ويتنرفز عليهم في أوضة اللبس ويطلع عينيهم”.
واستشهد شحاتة بموقفه الشهير مع لاعبي المنتخب خلال مباراة البرازيل التاريخية في كأس القارات، مضيفاً: “إحنا مثلاً ماتش البرازيل 3-3 أول شوط، بين الشوطين تشوف مرمطة اللعيبة، طبيعي إن المدير الفني يتكلم مع اللعيبة زي ما هو عايز بس يكون في الحق، إن أنتم تبقوا رجالة والكلام ده بس”.
موقف صلاح ودعم علي ماهر
وعند سؤاله مجدداً عن أحقية حسام حسن في استبدال أي لاعب حتى لو كان بحجم محمد صلاح، جاء رد حسن شحاتة حاسماً: “حتى لو كان الجن الأزرق! آه صلاح لاعب من اللاعبين الـ 11، حسام حسن له الحق إنه يتحرك معاهم كيفما شاء، وبعدين بيتحاسب بعد كده”.
كما تطرق شحاتة إلى التغيير الفني وتولي علي ماهر المسؤولية، مشيداً بقدراته التدريبية بقوله: “هو اتحاسب بعد كده إن هم يمشوه ونجيب علي ماهر، وعلي ماهر من المدربين اللي هيبقى لهم دور كبير جداً واللي هيعملوا شغل كويس أوي وطبعاً متمني له التوفيق”.
سبب رحيل حسام حسن
وفي ختام حديثه حول هذا الملف، كشف حسن شحاتة عن السبب الحقيقي وراء رحيل حسام حسن، نافياً أن يكون القرار بسبب أخطاء فنية، حيث قال: “كابتن حسام حسن يعني هو حسام ما عملش الحاجة اللي تخليهم يمشوه، بس هي ظروفه العائلية هي اللي مشّته”.
