“سلاح ذو حدين”.. عماد متعب يكشف سر تفضيله الساعي على إمام عاشور أمام بيراميدز

“سلاح ذو حدين”.. عماد متعب يكشف سر تفضيله الساعي على إمام عاشور أمام بيراميدز
Oplus_131072

أكد عماد متعب، نجم النادي الأهلي السابق، أن عمر الساعي يستحق بدء مباراة الأهلي المقبلة أمام بيراميدز على حساب إمام عاشور، مشددا في الوقت نفسه على أن إمام يظل “أهم لاعب في مصر” عندما يكون في حالته وجاهزيته.

وقال متعب، خلال استضافته في برنامج “ملعب ON”: “وجهة نظري إن عمر الساعي أصلا هو اللي يبدأ بكرة على حساب إمام عاشور.. دي وجهة نظري، مش تقليل من إمام، واحد من أهم اللاعيبة اللي موجودة في مصر، ولو فايق وفي حالته وجاهز طبعا هو الأهم في مصر”.

وبرر رأيه قائلا: “إمام بقى له قد إيه ما لعبش ماتش رسمي، فترة طويلة، والمباراة الودية شيء والمباراة الرسمية شيء تاني خالص، ده رقم واحد.. رقم اتنين، إمام كان عليه ضغط كبير جدا في الفترة الأخرانية وكان مستبعد بسبب أحداث كانت حصلت”.

وأضاف: “إنك تدي له المباراة هيبقى سلاح ذو حدين، هيبقى نازل من بداية المباراة بيموت نفسه بيحارب، ممكن ده ياخدك للناحية الفنية تبقى عالي جدا، يا إما يطلعك بره المباراة وتبقى متوتر والأخطاء تزيد”.

وتابع: “عمر الساعي آخر تلات أربع مباريات مع النادي الأهلي بيأدي أداء جيد جدا.. ما ينفعش مرة واحدة تقوله اطلع بره يا عمر عشان إمام بقى موجود”.

وشدد على أن لإمام دورا مهما في المباراة، قائلا: “إمام ليه دور مهم جدا جدا بكرة.. ممكن ياخد شوط كامل ما فيش مشكلة.. وممكن تلاقي إمام بيلعب أساسي ويعمل مباراة عمره، فالقرار الأخير راجع للجهاز الفني”.

ووجه متعب نصيحة لإمام عاشور: “لو ركز واهتم في الكورة وعرف إن الكورة وقتها قصير، والله العظيم يروح في حتة تانية.. عندك 10 سنين 12 سنة استغلها قدر الإمكان، عندك الإمكانيات اللي توديك في حتة تانية خالص”.

وعن المباراة، قال إنها “مهمة جدا للفرقتين، بس للنادي الأهلي أكتر”، مؤكدا أن “بيراميدز هو اللي يعمل حساب للنادي الأهلي مش العكس”.

أحدث الأخبار