كشف الإعلامي أحمد شوبير عن تحرك لاعبي الفريق الأول لكرة القدم بنادي الزمالك لمطالبة مجلس الإدارة بتوفير طائرة خاصة لرحلات الفريق الخارجية المقبلة في بطولة دوري أبطال أفريقيا.
وصرح شوبير قائلاً عبر قناة “النهار”: “بالنسبة لنادي الزمالك، لاعيبة الزمالك طالبين طيارة خاصة، وقالوا إن الرحلات اللي جاية مش هنقدر نسافر بالطريق العادي لأنهم فعلاً بيتبهدلوا جداً جداً وبيتعبوا”.
ودافع شوبير عن مطلب اللاعبين مضيفاً: “على فكرة هو مش تمييز ولا حاجة، لكن اللي رايح يلعب ماتش كورة وتنافس من حقه إنه يطلب طيارة خاصة؛ الأهلي بيعمل كده، وبيراميدز بيعمل كده، والزمالك من سنين كان بيفعل هذا الأمر، فلاعيبة الزمالك طالبين توفير طيران خاص في الثلاث مباريات اللي هيلعبوهم في دوري أبطال أفريقيا خارج ملعبهم وخاصة إن مجموعة الزمالك مجموعة صعبة للغاية”.































