ألقى الإعلامي سيف زاهر الضوء على حالة الجدل واسعة النطاق المنتشرة في الشارع المصري وحول البرامج الرياضية بشأن مصير الجهاز الفني لمنتخب مصر الأول لكرة القدم بقيادة المدير الفني حسام حسن، وما إذا كان مستمراً في مهامه أو راحلاً عن تدريب الفراعنة.
وقال زاهر، خلال تصريحات تليفزيونية عبر “أون سبورت”:” كل الناس بتوقفني في الشارع وتسألني: حسام حسن مكمل ولا ماشي؟ والجهاز الفني مستمر ولا هيرحل؟ وأكيد سمعتوا الكلام ده في كل البرامج تقريبا، الوحيد اللي عنده إجابة صريحة هو العبد لله”.
و أردف:” والله العظيم اللي هقوله ده الحقيقة، وأنا مبقولش أي معلومة غير لما أتواصل مع المصدر نفسه، والله لأول مرة أكلم المهندس هاني أبو ريدة ومخدش منه معلومة صريحة”.
و واصل زاهر: “كنت معاه إمبارح في فرح ببورسعيد، وسألته عن موقف الجهاز الفني لمنتخب مصر، وهل حسام حسن مستمر ولا ماشي؟، فكان رده عليّا: «وإنت عامل إيه إن شاء الله؟»”.
و أختتم:” مفيش حد من الزملاء عنده معلومة مؤكدة، لأن لسه مفيش أي قرار اتاخد، هل معنى كلامي ده إني هقولكم حاجة؟ لأ، أنا معنديش معلومة”.
