كشف الإعلامي أحمد حسام “ميدو”، عبر برنامجه على قناة النهار، عن تفاصيل مثيرة تتعلق بالتحقيقات المستمرة التي تجريها نيابة الأموال العامة بشأن المخالفات المالية والإدارية داخل نادي الزمالك خلال السنوات الماضية.
وقال ميدو، خلال تصريحات تليفزيونية ببرنامج” أوضة اللبس”، عبر قناة” النهار”: “اكيد تابعتوا ما يحدث داخل الزمالك والتحقيقات المستمره من النيابه والدور العظيم اللي بيقوموا به والدوله بتسترد حقوقها من الانديه التابعه لها”.
و أضاف:” بعد تحقيقات واستدعاء اكثر من100 شخص من الزمالك بشأن استرداد اموال في بعض القضايا اللي بعتبرها فضيحه ومخالفات ماليه واضحه منذ سنوات النهاردة الدوله بتقول كفاية ومفيش مسئول سابق او حالي هياخد جنيه بحيي الدوله اخيرا فوقنا وعرفنا ليه ليه رجال اعمال واشخاص بيتكالبوا للتواجد”.
و شدد ميدو:” لما نجد اشخاص واخدين اموال بدون وجه حق بالملايين يوريك حجم الفساد في الانديه وبحيي الدوله على اصرارها على اعادة اي جنيه اتاخذ دون وجه حق لو الموضوع ده اتفتح في كل الانديه على مسئوليتي هيكون في اشخاص كتير واخدين ملايين”.
وواصل:” الدولة بدات بالزمالك وهيفنحوا تحقيقات في مؤسسات رياضيه اخرى لان في مخالفات متورط فيها شخصيات كبيره، اللي استرد ده البدايه فقط وده في عامي 2020 و2021 وفي ملايين الملايين من المخالفات الماليه في السنوات التاليه حتى 2026وفي شخصيات متتخيلوش اسمائهم متورطين”.
وأكمل ميدو: “مدير مشتريات سابق بالزمالك اعاد 130 الف مسئول سابق بالجهاز الطبي كان عليه اموال، وعضو مجلس ادارة سابق اعاد اكثر من مليون جنيه، وكابتن نادر السيد رجع حوالي 5 مليون جنيه، اجمالي المبالغ المسترده يصل ل17 مليون جنيه، الدوله بتتعامل بورق وسياسه الدوله للدفع للحبس وملهاش دعوة بالاطراف”.
وأشار:” صفقة محمد ابراهيم المشبوهة اللي المهندس هاني زاده سافر وعمل ديل ان لو النادي باع محمد ابراهيم لاي نادي مهما كان السعر ماريتيمو ياخد من الزمالك مليون يورو، وكنت عارف ان في تحقيقات وكم الفساد الموجود اخيرا تعرف الاجابه ليه الناس بتموت نفسها على المناصب و على العمل التطوعي ليه وفي ناس محترمه وناس داخله عمله خطه هصرف كام والفلوس هترجع لي كام”.
واردف: “تخيلوا عضو مجلس ادارة وضع بند لوباع محمد ابراهيم باي سعر الزمالك يدفع مليون يورو والزمالك باعه للمقاصة ببلاش”.
و استطرد ميدو:” في مخالفات ماليه داخل الزمالك بعض. المسئولين السابقين متورطين فيها تصل لملايين الملايين وفي ناس من مجلس الزمالك اطلبوا للتحقيق ورفضوا الامتثال للتحقيق وتم رفع الامر لوزارة الرياضه وهيتحولوا للنيابة والمخالفات كثيره”.
وأختتم:” ازاي الناس بتقبل على نفسها تاخد فلوس مش من حقها خالص ازاي الموضوع بالبجاحه دي في مخالفات ماليه تخص الفريق الاول لما تشوف الورق متصدقش الناس عملت ده بالبجاحه دي حاجات تخص السفر والمعسكرات هل كانوا فاكرين مفيش حساب، لا احنا في دولة قانون اللي جاي مش هتصدقوا حجم الفساد والموضوع لا يخص الزمالك فقط بل في انديه اخرى منها مسئولين سابقين وحاليين وارقام كبيرة جدا وبحي الدوله ان في مراجعه وحساب”.
