شن الإعلامي “أحمد جمال” مقدم برنامج زملكاوي على قناة نادي الزمالك الرسمية ، هجوم عنيف على الإعلامي أحمد شوبير بسبب التحيز الدائم للنادي الأهلي على قناة أون تايم سبورت .
و قال أحمد جمال أثناء مقدمة البرنامج : عايز اسأل الكابتن أحمد شوبير ، أنت ليه متبني حملة عودة الدوري بكل قوة في شهر يوليو المقبل .
و أضاف : حضرتك عايز تعاقب 13 أو 14 نادي رافضين إستئناف بطولة الدوري في ظل الظروف الحالية ، و حضرتك بتقول اللي مايشاركش يتعاقب !!
و تابع : طب الكلام اللي حضرتك بتقوله ده ، لو في حد إتصاب هل هانقدر نلوم سيادتك على التصريحات و الحملة اللي أنت متبنيها ؟! ، و انا مستغرب جداً إنك عامل الحملة دي بشراسة .
و أكمل : من وجهه نظري ، الكابتن شوبير بتاريخه الكبير ده لو عايز فعلاً يدافع و يهاجم للنادي الأهلي يروح يشتغل في قناة النادي الأهلي ، أو يمسك رئيس المنظومة الإعلامية في النادي الأهلي ، و هو شخص مؤهل تماماً للمنصب ده ، و له خبرة كبيرة .
