مجدي عبدالغني يصدم مرتضى منصور على الهواء بجلسه مع الخطيب للصلح .. وتعليق مرتضى – فيديو
طالب كابتن مجدي عبدالغني نجم النادي الأهلي خلال مداخلته عبر قناه نادي الزمالك عقد جلسه صلح بين المستشار مرتضى منصور رئيس نادي الزمالك ومحمود الخطيب رئيس الأهلي.
وقال مجدي عبدالغني : ” المستشار مرتضى مستعد يقعد ولازم كابتن خطيب يقعد ولازم نحل الامور ونقرب وجهات النظر وننهي الخلاف”.
وتابع مجدي : ” الزمالك راح 20 مشجع من جماهيره في الدفاع الجوي والاهلي 74 من جماهيره في بورسعيد
وكنا زمان بنعلب في بورسعيد والاسماعيلي ونخرج وراسنا مرفوعه ولازم تبقى بداية علشان الزمالك والاهلي يبقى في حب وود وزيارات”.
واختتم مجدي عبدالغني : ” يا قناة الزمالك والاهلي كل واجد يخليه في فريقه وبعيد عن الاخر وارجو مرتضى يأكد على كلامي ده لاني عارف بيحب البلد ازاي”.
ورد المستشار مرتضى منصور رئيس الزمالك : ” يا كابتن مجدي كلامك محترم ومقتنع بكلامك بس خلي بالك الاعلام مش قناة بس لكن قناة وصفحات وبقصد اللي بيتمولوا علشان يشتموا الناس في السوشيال ميديا”.
وتابع مرتضى ” انا اختلفت مع محمود طاهر وعمره ما حرض حد ضدي او يشتمني وقابلته في الامارات وسلمت عليه”.
وواصل : ” هسألك سؤال يا كابتن مجدي هنفترض جمال الغندور قابلك وشتمك وضربك وفوجئت انه هو اللي اشتكاك هتعمل ايه ؟
يعني اللي يشتمني وضربني ده مبدأ ازاي”.
واختتم مرتضى : ” انا متفق مع فاروق جعفر يستضيفك وانت كابتن مصطفى عبده ونجوم الاهلي وكلامك له كل الاحترام”.
شاهد :
