محمود الونش : بعد شتايم جمهور الأهلي تعاهدنا نموت نفسنا إن شيكابالا لازم يرفع كأس السوبر
كشف محمود الونش مدافع منتخب مصر و نادي الزمالك عن كواليس الفوز ببطولة السوبر المصري على حساب النادي الاهلي في فبراير الماضي
و قال الونش في تصريحات تلفزيونية : إحنا طالعين من القاهرة وجمهور الخصم بيقول علينا هتشيلوا من الترجي ” في مباراة السوبر الأفريقي”
و أضاف : كلامهم ده كان حافز لينا علشان نفرح جماهيرنا ونقف مع بعض والفوز بالبطولتين ( السوبر الأفريقي و السوبر المصري ) هايضيف لأسمائنا.
و تابع : أحب البطولات لـ قلبي الكونفدرالية و السوبرين ، و ده بسبب صعوبة موقفنا في الكونفيدرالية و رغم ان احنا قولنا اننا خرجنا الا ان المستشار مرتضى منصور كان بيدعمنا وبيقولنا لا هتصعدوا ، و الكل كان بيهاحمنا هو كان بيجي يقولنا انتم هتصعدوا وكان عامل حافز لينا .
و أكمل : مش حابب أتكلم على الاحداث بعد السوبر و سمعت حاجات كتير ، شيكا يعني مش هايعمل ده مع جمهور الأهلي بدون أي سبب ، شيكا كان رد فعل هو طول عمره بيشتم بس شتيمة عن شتيمة تفرق.
و أختتم تصريحاته قائلاً : عملنا كل اللي علينا وتعاهدنا نموت نفسنا علشان الشتيمة اللي كانت بتتوجه لشيكا ، و قولنا لازم يرفع الكاس الليلة ، و كان بيتشتم بـ أبشع الألفاظ ، الخوض ف الاعراض كان صعب جدا وصعبت عليه نفسه ، شيكا اتهاجم كتير جدا يومها من جمهور الأهلي
