أكد المستشار مرتضى منصور رئيس نادي الزمالك ان المستشار تركي آل شيخ تقدم بالإستقالة الشرفية للنادي الأهلي مرتين وكان من المفترض أن يعلن مجلس إدارة الأهلي قبول هذا الإعتذار.
و أشار الى أن مجلس إدارة نادى الزمالك يكن كل إحترام للمستشار تركي آل شيخ رئيس هيئة الترفيه بالمملكة العربية السعودية نظراً للدعم الذي قدمة للنادي.
واضاف “مرتضي” خلال مداخلتة على قناة الزمالك : تركي آل الشيخ محترم غصب عنك ياخطيب ، ولازم تعرف الدعم اللى قدمه ليك و لـ مصر ، وخليك مؤدب ومحترم وقول قبلنا الإعتذار.
و تابع:” احنا عاوزين نشوف محامي من بتوعك في المحكمة يا خطيب ، و إسالهم لما بيشوفني بيعملوا إيه ، و بقول لوزير العدل شوف اعضاء اللجنة القانونية للنادي الاهلي.
و تسائل المستشار مرتضى منصور عن طلب الاهلي لـ وزارة الشباب والرياضة بتشكيل لجنة لرصد الهدايا المقدمة من المستشار تركي آل شيخ قائلاً : هل أنت حصلت على إذن من الوزير علشان ترجعها ”
وقال مرتضي: ” الساعات اتباعت في محلات في المهندسين ، وانت بتضحك على مين يا خطيب ده الساعات إتباعت ، و عيب تضحك عليك جماهير محترمة وهي جماهير الأهلي ، وانت بقالك سنتين واكل دماغنا انك مش واخد حاجة وانت النهاردة اعترفت بده”
وعن قرار الاهلي برفع قضية على الزمالك بشأن قضية نادي القرن قال “مرتضي” :” عيب عليكم اكبروا ”
وتابع:” انا حزين وبقولهم القرارات الفشنك دى بيعملوها علشان الجمهور وبقولهم بلوها واشربوا مايتها، ودى فلوس تركي أل الشيخ اللى هتعملوا بيها بلاغات”
