شن المستشار مرتضى منصور “رئيس نادي الزمالك” هجوم عنيف على محمد سراج الدين عضو مجلس إدارة النادي الأهلي بعد هجومه على على نادي الزمالك ، على خلفية أزمته مع المستشار تركي أل الشيخ .
و قال المستشار مرتضى منصور رئيس نادي الزمالك في تصريحات تلفزيونية : قررت أن أعطي درساً في الأدب لـ محمد سراج الدين عضو مجلس إدارة النادي الأهلي، بعد تطاولة على المستشار تركي آل شيخ رئيس هيئة الترفيه بالمملكة العربية السعودية.
و تابع “مرتضي” :” بقول لسراج الدين انت غلطت في تركي وقولت عليه قواد… وانت مال اهلك ومال مسئولين نادي الزمالك.. وهاتلي قرار تعيينك في الجامعة الأمريكية”
واضاف :” جمهور الزمالك عمرة ما يقف وراك ومش ده جمهور البليلة وده الجمهور اللى منه شيكابالا .. وجمهور الزمالك المحترم عارف انتوا عملتوا اية في عبدالله جمعة و شيكابالا وملكش دعوة بجمهور الزمالك”
وتابع:” رئيس نادي الزمالك هو الوحيد اللى ضرب السفير الإسرائيلى وهو الوحيد اللى وقف في وش الإخوان ومحمد مرسي، وانا هعلمك مين هما مسؤلين نادي الزمالك.. الزمالك الوحيد اللى قرر يدى عضويات مجانية لأهالي شهداء الجيش والشرطة” .
و واصل:” لما تيجي تتكلم على الزمالك لازم تعرف اننا شرفنا نادينا واوعي الغرور ياخدك، والعيال بتوع اللجان الإلكترونية يخليك تتغر ، احنا محدش كاسر عنينا انت ومجلسك اللى مكسورة عينكم”
و أضاف مرتضى منصور : ” مين اللى مكسور عينه النادي اللى خدت هدايا و اتحولها فلوس على المجلة علشان تقرير الجهات الرقابية”
وتابع:” اوعى تجيب سيرة نادي الزمالك اقطعلك لسانك، و بلاش تدخل جمهور الزمالك، وانت غلطت وابوك معرفش يربيك، ومتجبش سيرة الزمالك تاني”
وأضاف “مرتضي” :” رد على الراجل اللى قالكم انتوا مش رجالة رد عليه وقولوا مخدناش 2 مليون دولار علشان الجهات الرقابية، رد عليه وقوله اننا مخدناش فلوس اللى راحت للنادي”
وتابع:” اطلعوا ردوا على الراجل، وقول للناس مين اللى وطى صلح كاوتش عربية المستشار تركي آل شيخ، ده كاسر عينكم وكاسر عينكم كمان”
و واصل:” مرتضى مختش فلوس يجيب بيها فيلا في دبي، واحنا لو عاوزين ندخل في معركة معاك مكنتش عملت دعم لحفيد الخطيب، وجمهور الاهلي هو اللى معاة مشكلة مع مجلس الخطيب”
و أضاف:” انت اللى هتكلمنى على الوطنية من امتى مجلس الأهل يطلع نعي واحد لشهيد من الجيش والشرطة.. انت لغاية دلوقتي عضوية علاء صادق والإخوان عندكم”
و إختتم تصريحاته قائلاً :” انت ليه عاوز تحط الزمالك في جملة، واية علاقة الزمالك بالمشكلة دى.. وانا بتحداك قدام مصر كلها اطلع قول قدام مصر كلها مجلس إدارة الزمالك مكسور عينه في ايه”.
شاهد مداخله مرتضى منصور كامله :-
