كشف المستشار مرتضى منصور رئيس نادي الزمالك عن رد فعل مفاجئ بشأن قرار مجلس الوزراء بإستئناف بطولة الدوري المصري الممتاز الموسم الحالي .
و قال المستشار مرتضى منصور في مداخلة هاتفية على قناة نادي الزمالك : هناك 14 نادي يرفضون عودة مسابقة الدوري العام، مؤكدا ان هذه الاندية تؤيد الدولة تماما في مواقفها وعلى راسهم نادي الزمالك.
و اشار :” انا عاوز اعرف مين موصل لمجلس الوزراء أن مرتضي بس هو اللى معارض، لا ده فيه 13 نادي غيري، وانا بسال سؤال مش ممكن اى حد يتصاب بكورونا واللاعيبة دى والمدربين هتبقي في الملعب ولو واحد فيهم اتصاب هنعمل اية، وياريت مجلس الوزراء يبعتلنا جواب انه يتحمل تباعات القرارات وانا موافق انى العب لاني رجل دولة”
و اضاف مرتضى في تصريحات تليفزيونية لقناة الزمالك:” انا اقدر اعمل دعوة قدام محكمة القضاء الإداري الصبح ألغي القرار، علشان حضرتك مسمعتناش، ولو بكرة المديرين الفنيين قالوا مش هنلعب هل انا هغصب المدير الفني انه يلعب بالعافية”
وتابع:” كل ده علشان بيبو ياخد بطولة، وانا مقلتش ان الأهلي ياخد اللقب، ان قولت طبقا للوائح والمرات السابقة التي الغي فيها المسابقة .
واعلن رئيس نادي الزمالك انه هناك جلسة طارئة داخل النادي غدا لمجلس إدارة النادي والمدير الفني للفريق وقائد الفريق الاول لكرة القدم، وما سيقرة المدير الفني وكابتن الفريق هو ما سيتم تنفيذة..
وقال “مرتضي” :” دول الجنود اللى في المعركة، واللى هيقولة المدير الفني هو اللى همشية مع احترامنا لقرار الدولة، لان دى معركة اندية مع الكورونا”
و انتقد رئيس نادي الزمالك موقف المستشار نادر سعد المتحدث باسم مجلس الوزارء خلال إعلانه قرار عودة النشاط الرياضي مع الإعلامي احمد موسي على قناة صدى البلد.
وواصل:” بعد إجتماع المدريين الفنيين مع اتحاد الكرة لو وافق المدير الفني على إستئناف المسابقة هخلية يكتب إقرار على كده ولو رفض و قالنا اكتبوا انتوا ورقة انا مش هكتب .
