مرتضى منصور: مفيش بني آدم يقدر يقولى أقول ايه.. ومصر اهم مني ومن الخطيب ، و يكشف عن مفاجأة
أكد المستشار مرتضى منصور رئيس نادي الزمالك ان هناك محاولات للوقيعة بينه وبين مؤسسات الدولة المختلفة، مؤكدا ان هذه المحاولات لن تنجح بسبب قوة علاقته مع كافة مؤسسات الدولة.
و وجه رئيس نادي الزمالك رسالة إلي النائب العام بضرورة الإسراع في حسم القضية المرفوعة من رئيس نادي الزمالك ضد ضابط المخابرات القطري ابو سنيدة ومن يتعاون معه داخل مصر، في القضية رقم 429 لسنة 2020.
و وجه مرتضى حديثة إلى عبد الناصر زيدان:” انت خاين ورحت لابو سنيدة وقعدت مع حاكم قطر، ولو راجل انت واللى معاك طلع جواز سفرك وقول مسافرتش قطر”
واضاف “مرتضى” في تصريحات تليفزيونية لقناة الزمالك:” مهما تعملوا مفيش شعرة من راسي تتهز، واحنا عندنا قضايا هامة في الوطن وعندنا قضية ليبيا واحنا بنتكلم في الفيديو مفبرك ولا لا ياخطيب وانت عارف انه مفبرك”.
ووجه رئيس نادي الزمالك حديثة إلي زوجة الكابتن محمود الخطيب قائلا:” حضرتك انا جيت جنبك هو انا اللى قولت عليكم حرامية ساعات بتاعت المستشار تركي آل شيخ”.
وتابع:” مفيش بني آدم يقدر يقولى أقول ايه وماقلش إيه، ومصر أهم مني ومن الخطيب ومن الأهلي والزمالك”
و اتم : بقول لجمهور الزمالك بحضرلكم مفاجاة كبيرة هتهز مصر كلها لو حصلت ادعوا ربنا انها تتم على خير
