علق المستشار مرتضى منصور رئيس نادى الزمالك على الأنباء التي تحدثت عن رحيل السويسري رينيه فايلر عن تدريب الأهلى خلال الفترة القادمة، مشيرًا إلي أنه كان يعلم برحيل المدير الفنى السويسرى منذ أسبوع.
وقال “مرتضى” : ” انا كنت عارف ان فايلر ماشي، وفيه فرق في التعامل الإعلام فى الموقف بين فايلر و كارتيرون، وبعض المواقع قالوا ده كارتيرون مشي بعد علقة منى فى الملعب”.
وأشار : “الكل عيب عليا انى صورت الجلسة مع كارتيرون، كنت اتمنى الاجتماع اللى عملة الخطيب مع فايلر يتصور علشان يظهر وهو بيتحايل عليه وبيبوس راسة”.
وأضاف في تصريحات لقناة الزمالك :” أنا متحايلتش على حد ولا بوستة، أنا عرضت عليه بكل إحترام انى اديله اكتر من العرض اللى جايله أو يقعد شهر لغاية ما البطولة خلصت”
وتابع:”التمهيد بتاع شوبير ده اشمعنى دلوقتى واشمعنى عندنا احنا كان فيه طلبة شغالة، على الاقل احنا حطين شرط جزائى شهرين، وينفع مدرب فى النادي الاهلى ميرضاش يقعد مع رئيس النادي ويقله اقعد مع وكيلي”
وكشف الإعلامي أحمد شوبير أن الخلاف بين فايلر ومجلس الأهلى أنه يرغب فى السفر في أول أكتوبر، مشيرًا إلى أنه رفض اقتراح الإدارة بالسفر اليوم والعودة قبل 1 أكتوبر.
وقال “شوبير” :” الاهلى قاله لو عايز تسافر امشى مرضيش برضوا واصر انه ياخذ مكافأة الدوري قبل السفر، والإدارة غضبت منه، وكان المفروض يكون فيه جلسة النهاردة، لكنه أبلغ الإدارة أن الكلام يكون مع وكيلة مش معاه”
وأضاف:” الخطيب قال الموضوع عندى، وفيه لجنة التخطيط حاليا هى اللى بتفكر حاليا انها تعمل ايه، وقدامهم أكتر من حل، والأهلى لن يتحرك في اتجاه فايلر إلا يوم 1 أكتوبر، لانه لو خد قرار قبل يوم 30 هيدفع الشرط الجزائى للراجل والمقدر بشهرين بـ400 ألف دولار”
