لم يصل الأمر لمجرد مشادة بين زملاء في فريق واحد ، بل وصل الأمر إلى مهاجمة مسئولي و إدارة و كيان النادي الأهلي و التطاول بـ أبشع الألفاط ” هذا ما حدث من لاعب الزمالك الهارب (محمود كهربا ) و المنتقل إلى صفوف النادي الأهلي ”
دخل محمود كهربا لاعب نادي الزمالك ” الهارب ” ولاعب النادي الأهلي الحالي في مشاده كبيرة مع محمد الشناوي حارس مرمى النادي الأهلي صباح اليوم الاربعاء في مران الفريق.
وشهد المران صباح اليوم العديد من الاضطرابات بين عدد من نجوم الفريق وسيد عبد الحفيظ مدير الكرة بالنادي الأهلي.
و أشار الناقد الرياضي “بسام أبو بكر” عبر حسابه الشخصي على فيس بوك ، ان الأزمة مشتعلة في النادي الأهلي بين مسئولي النادي و محمود كهربا .
و كتب عبر حسابه الشخصي على فيس بوك : كنت كتبت بوست هنا في بداية انضمام كهربا للاهلي وقولت مش هنأخد منه حاجة غير مشاكل وخناقات ، النهاردة كهربا عمل حاجات كتير غلط عمرنا ما شوفناها قبل كده ف الاهلي اللاعب لم يكتفي بالدخول في مشادة مع كابتن سيد عبد الحفيظ بل امتد الامر أثناء المشادة لمهاجمه كيان الاهلي نفسه
و تابع :هتقولي كهربا ازاي هاجم الاهلي أثناء المشادة .. هقولك حالا ، في خناقة كهربا وشريف اكرامي كابتن سيد خصم 15 الف جنية من كهربا فاللاعب النهاردة قعد يقول انا اشتريت الاهلي واختارته وخسرت فلوس ومكمل ف المحاكم كل ده عشان الاهلي وف الاخر يتعمل معايا كده من النادي واستمر في الهجوم ، ملحوظة … كهربا مكنش عايز ينزل المران النهاردة
و أضاف : طيب من الاخر عشان تفاصيل اللي عمله كهربا كتير أووووي ، اللي حصل النهاردة من اللاعب عمره ما حصل في تاريخ الاهلي نهائيا
و واصل : في نهاية الازمة كهربا طُلب منه التدريب منفردا ، رفض وخد شنطته ومشي .
