نجح نادى الزمالك فى تحقيق فوز هام على بيراميدز بثنائية نظيفة أحرزها مصطفى محمد و كاسونجو، ليرفع الزمالك رصيدة إلى النقطة 48 وينفرد بالمركز الثاني فى جدول ترتيب الدوري العام.
ومن جانبه قال أنتي تشاتشيتش، المدير الفنى لنادى بيراميدز : “كانت مباراة قوية جداً، و الزمالك هو اللي فاز و بهنيهم على الفوز و بهنئ لاعيبة الزمالك على الأداء والروح، طول المباراة كنا بنهاجم الزمالك ، و في اللحظة اللي كنا هانسجل فيها التعادل من ضربة الجزاء، الكرة ضاعت و ردت علينا بهدف ثاني”
وأشار: ” عشان تكسب مباراة لازم يكون معاك التوفيق ، و لازم فريقك يكون هادي في بعض المواقف، و لو كنا عملنا كده ماكناش الزمالك هايكسب المباراة، ابراهيم عادل لاعب ناشئ، و لحد دلوقتي لعب عدد دقائق كتير، و قمت بتغييره لكي ينزل لاعب فريش في الملعب”
وأضاف ” تشاتشيتش”: :”الصراع على المركز الثاني لسه ماخلصش، و طريقة لعب بيراميدز انهارده هاتضمن لينا اننا ننافس على المركز الثاني و لسه فاضل ٣٠ نقطة ، وهانلعب مباريات كتير، و في الاخر هنشوف مين هيكون راضي عن مكانه و في المركز الثاني”.
وتابع: “كيد فيه بعض المواقف ماكنش لينا ردفعل كويس ، والاخطاء جزء من كرة القدم ، و الزمالك كان عنده أخطاء ايضاً، و جالنا فرص كتير قدام الجون ، و لو ماستغلناش الفرص اكيد بتكون النتيجة غير مرضية”.
وأتم :” فريق بيراميدز حصل على فرص كثيرة قدام الزمالك و اهدرنا ركلة جزاء كانت ممكن تغير نتيجة المباراة ، و هو ده سبب الخسارة انهارده”
