شن نجم نادي الزمالك السابق “حازم إمام” هجوم شديد على المدير الفني السابق للقلعة البيضاء “باتريس كارتيرون” بعد رحيله المفاجئ عن تدريب الفريق .
و قال حازم إمام في تصريحات إذاعية : مصر أصبحت بوابة المدربين الأجانب الاشباح للوصول للشهرة والفلوس والتاريخ ثم التوجه للخليج .
و تابع : مكنش فيه مقدمات لرحيل كارتيرون عن الزمالك ، الأمور كانت ماشية على ما يرام ولأول مرة مكنش فيه أزمات بين المدرب والإدارة وفى بطولات وإستقرار .
و أضاف : “مقلب كارتيرون مش مفهوم بالنسبالى ، المدرب اللي يعمل كده وميحترمش تعاقده ويفسخه يبقى شخصية غير مظبوطة وممكن يكرر الموقف تانى وتالت .
و واصل : “عارف أن الفلوس مهمة بس اختيار الوقت مهم بردو يعنى لو نهاية الموسم كانت ممكن تعدى ، أتمنى يكون فى حل سريع من أجل أستقرار الزمالك .
و أختتم حديثه قائلاً : جمهور الزمالك مش طايق كارتيرون ، والإدارة بريئة من رحيله بل بالعكس قدمت كل مافى وسعها لإستمراره، واحنا بره مخضوضين ، يبقى وضع اللاعيبة ايه دلوقتى ، ربنا يكون فى عون المدرب القادم للزمالك .
