اللجنة الأولمبية : دي مش أول واقعة لمرتضى منصور، و العقوبات تبدأ من اللوم و تنتهي عند الشطب

أكد شريف العريان “أمين عام اللجنة الاولمبية المصرية” أن المواثيق الدولية واضحه ، و لو أي حد أخطأ في المنظومة الرياضية وهو عضو مجلس نواب و احنا مش قادرين نفهم ايه علاقة الحصانة.

و تابع : العقوبة 4 سنين لإن دي مش اول واقعه لمرتضى والعقوبات بتبدا باللوم لحد الشطب ، وكان في عقوبة سابقة بالوقف سنتين ومجلس الادارة وضع بند للسلوك  ، والمحقق وهو قاضي جليل هو اللي اخد القرار واحنا اعلنا، و دي لجنة حققت واقرت لعقوبة حسب اللوائح والقوانين .

و واصل : وطبعا ممكن يكون ف تخفيف وممكن نلغي العقوبه اذا قدم تظلم ، لكن البلطجة والكلام ان هيئة متنفعش تعاقبني وانا مش معترف بها لا ، وفي شكوى قدمت من الزمالك ضد الاهلي وهنحقق فيها

و اتم تصريحاته : التوقيت يضر الزمالك احنا ملناش علاقة بالشكاوي المقدمة والزمالك ليس له علاقة ده قرار ضد شخص.