فرمان من إتحاد الكرة للأندية بشأن المشاركة في البطولات القارية الموسم المقبل | تعرف على التفاصيل
قرر مسئولو اللجنة الخماسية التي تدير الإتحاد المصري لكرة القدم برئاسة عمرو الجنايني ، عدم مشاركة أي فريق في أكثر من بطولة قارية في الموسم المقبل.
وجاء فرمان مسئولي اللجنة الخماسية ، أسوة بالموسم الحالي، حيث شارك الزمالك و الأهلي في مسابقة دوري أبطال أفريقيا ، و شارك بيراميدز و المصري في مسابقة الكونفدرالية الإفريقية ، و شارك الإسماعيلي في البطولة العربية.
وفي سياق أخر، كشف المستشار مرتضى منصور رئيس نادي الزمالك أن النادي تمسك بإقامة نصف نهائي دوري أبطال أفريقيا فى شهر سبتمبر الماضي في ظل وجود حالات فيروس كورونا، مشيرًا إلي النادي الأهلي هو من طلب تأجيل اللقاءات حينها.
وقال “مرتضى” :”كان المفروض نصف النهائي الافريقي يتلعب في شهر 9 وأحمد أحمد كلمنا كلنا وقولتله مش موافق على التأجيل وكلم الكابتن محمود الخطيب وقاله مش موافق وكلم سالم الشامسي رئيس بيراميدز وقاله مش موافق وبعدها الخطيب غير كلامه وقال موافق”.
وأشار:”بقول اهو حياة وصحة أصغر لاعب في الأهلي المنافس بتاعي مش في الرجاء أهم من 100 بطولة دي الأخلاقيات اللي اتعلمناها”
وأضاف “مرتضى” في تصريحات لبرنامج “زملكاوي” على قناة “الزمالك” :”كنت كل يوم بهاجم عمرو الجنايني من يوم ما وقع خلاص هو محتاج حد يطبطب عليه لانه اتغر بالشهرة والمال واياك شيطان المال والغرور والسلطة يركبك”
وتابع:” هتقولوا الشيخ مرتضى لا انا كل اللي قولته حسبي،الله ونعم الوكيل، واستنوا اللي هيحصل في هشام حطب واللي معاه وربنا حرم الظلم على عباده”
و أتم:”جمهور الزمالك بالملايين في كل العالم بيدعموا الفريق لكن تطلع تقل ادبك وهو فايز انا مش محتاجك في حاجه هو انا قولتلك تعالى اقف معايا لكن بقولك اقف مع ناديك وطلعت بيان خايف عليك وقولتلك متنزلش تتظاهر لان خايف عليك تتصدم بالشرطة ويتقبض عليك وامك تقعد تعيط وتحصل فوضى”.
