شاهد | أول تعليق من سيد عبدالحفيظ على واقعه تنمر جماهير الأهلي على شيكابالا بعد إحراج المذيعه له على الهواء – فيديو
علق سيد عبدالحفيظ مدير الكرة بالنادي الأهلي على واقعه الاساءه لشيكابالا من قبل جماهير النادي الاهلي بعد تتويجهم بلقب دوري ابطال افريقيا على حساب نادي الزمالك
وقال سيد عبدالحفيظ، خلال مداخلة هاتفية ببرنامج “مساء DMC” والذي تقدمه الإعلامية إيمان الحصري، والمذاع على فضائية “DMC” ما لاقاه شيكابالا مينعفش يكون شكل التنافس، ومينفعش تزيد عن حد معين.
وتابع سيد عبدالحفيظ : طالما مفيش سيطرة بتحصل أحداث مش مظبوطة، وحان الوقت إن الناس يكون عندها فكرة ان دي كرة قدم ووارد فيها المكسب والخسارة، والفرقة اللي بتحضر من بدري وعندها العقلية الاحترافية والشخصية القوية هي اللي بيكون ليها مكانة والأفضلية”.
وأكمل : “قناعتي الشخصية أن مهما الجمهور كان منه تجاوز , فعلى اللاعب ضبط النفس وعلى المسؤول أيضا، لأنهم في الآخر أمام جماهير، ولما يكون التصرف خارج من مسؤول لازم يكون فيه وقفه، ولكن الجماهير كل ما كان فيه رد فعل من لاعب تجاه جمهور بيكون فيه امتداد وتطاول.
واضاف سيد عبدالحفيظ : أنا رافض أي تطاول على أي شخص في المنظومة سواء في الفريق أو غيره، وأنا برفض الإهانة والتجريح ومش بقبله لحد تاني”.
واختتم: “مؤمن زكريا واحد من صحابنا واخوتنا وعنده الحاجة اللي بندور عليها في اللاعبين كلهم، وفجأة وبدون مقدمات حدث ذلك، وزي ما كرة القدم فيها تنافس ومشاحنات فيها مواقف الناس بتتجمع حواليها، ومؤمن واحد اتجمع حواليه كل الناس، والصورة دي تعبير مننا ومن الزمالك والاتحاد الأفريقي وكل المنظومة الرياضية لدعم اللاعب، وعندنا عدد من اللاعبين الجدد، مجموعة كبيرة من الأسماء، وهيكون ليهم تواجد في المباريات المقبلة، وعندنا مباراة يوم الثلاثاء مع الاتحاد السكندري، ونعديها بسلام ونفكر في اللي بعدها، والأفراح مستمرة لحد بكرة، وهنقفل شوية علشان عندنا هدف تاني، وجمهور الأهلي دائما بيطالبونا بكل ما هو جديد”.
شاهد :
