ظهر أحمد حسام ميدو نجم الزمالك السابق رففة محمود الخطيب رئيس النادي الأهلي بالامس، في احدى رحلات الصيد في مدينه الجونه.
ونشر ميدو عبر حسابه الرسمي بموقع التواصل الاجتماعي “تويتر” صورة رفقة الخطيب، معلقًا عليها: “في البحر مع بيبو”.
و نالت صورة ميدو رفقة الخطيب و حسن حمدي غضب كبير من جماهير الزمالك عبر مواقع التواصل الإجتماعي “تويتر” ، و وجهت لـ لاعب الزمالك السابق إنتقادات كبيرة من جماهير القلعة البيضاء.
وقال احمد حسام ميدو عبر حسابه الشخصي على موقع التواصل الاجتماعي ” تويتر ” : على فكره لو شوفت محمود الخطيب كل يوم كل يوم هروح اتصور معاه وده اللي اتربيت عليه اني احترم الكبير وأقدره واحترم الناس اللي عملت تاريخ وده اللي بعلمه لأولادي انهم يحترموا الكبير ويحترموا اي حد اجتهد واخلص لبلده ولعائلته.
على فكره لو شوفت محمود الخطيب كل يوم كل يوم هروح اتصور معاه وده اللي اتربيت عليه اني احترم الكبير وأقدره واحترم الناس اللي عملت تاريخ وده اللي بعلمه لأولادي انهم يحترموا الكبير ويحترموا اي حد اجتهد واخلص لبلده ولعائلته..
— Mido (@midoahm) December 12, 2020
وكان احمد حسام ميدو نجم نادي الزمالك السابق علق في فيديو على هجوم السوشيال ميديا وجماهير نادي الزمالك عليه خلال الساعات الماضية بعدما قام بنشر صورته مع محمود الخطيب رئيس الاهلي وحسن حمدي رئيس الاهلي الاسبق خلال رحله صيد جمعتهم بالجونه.
وقال ميدو في فيديو عبر حسابه الشخصي في موقع التواصل الاجتماعي ” تويتر ” : بتشتم من امبارح انا وعيلتي علشان اتصورت مع كابتن محمود الخطيب.
وواصل ميدو : الله يخربيت اللي باعلكوا التعصب وباعلكوا فكرة العداء وان احنا بيننا حرب الله يخربيت اللي بدع اللجان الالكترونيه والتريندات.
واضاف ميدو عبر حسابه الشخصي : الله يخربيت العيال بتوع السوشيال ميديا اللي بيوزعوا صكوك حب الزمالك.
وأكمل : هل اني لما اشوف كابتن الخطيب الاسطورة ممنوع اني اتصور معاه , ولو حتى كانت عندي مشاكل وانتقدت ادارتهم سواء هو ولا كابتن حسن حمدي في وقت ما , هل مفروض لما اقابلهم مسلمشي عليهم ؟.
وتابع ميدو : التعصب في مصر وصل لمرحله صعبه , هل حسام غالي او اي نجم في الاهلي لو قابل كابتن حسن شحاته او كابتن فاروق جعفر او اي اسطورة في الزمالك مينفعشي يسلم عليه او يتصور معاه.
شاهد :
صباح الخير..بتشتم من امبارح انا وعيلتي علشان اتصورت مع كابتن محمود الخطيب..الله يخرب بيت اللي باعلكوا التعصب وباعلكوا فكرة العداء وان احنا بيننا حرب الله يخرب بيت اللي بدع اللجان الالكترونيه والتريندات..الله يخرب بيت العيال بتوع السوشيال ميديا اللي بيوزعوا صكوك حب الزمالك pic.twitter.com/QIrdOvmDia
— Mido (@midoahm) December 12, 2020
