اكد خالد الغندور مقدم برنامج زملكاوى عبر قناة الزمالك انه لم يصدق ان دكة الابيض امس امام الجونة كان بها 3 لاعبين اجانب بجانب لاعبين كبار امثال مصطفي محمد
واشار الي انه بالرغم من ذلك يحقق الفريق الانتصارات وهو نجاح للبرتغالى جايمي باتشيكو المدير الفنى للفريق الأول لكرة القدم بنادي الزمالك
وتابع :الزمالك بيغيب عنه لعيبة مهمة جدا ومتحسش بهذا الامر امبارح مصطفى محمد وساسي واوناجم واسامة فيصل على الدكة ومحمود علاء غايب ومع ذلك قدمنا مستوى جيد وبالذات في الشوط الاول
واستطرد : اصبحنا فريق جماعي وباتشيكو حول فريق الزمالك من مهارات فرديه لفريق مهارات فرديه تخدم الفريق وهناك تكيتك وينقصنا انهاء الهجمة ولو احرزت اكثر من هدف الفريق المنافس سيفتح خطوطه اكثر
وواصل : الزمالك مع باتشيكو صعب بعد ماتكون متقدم في النتيجة وتخسر او تتعادل زي ما حصل الموسم اللي فات في ماتش سموحة
واتم : باتشيكو اللي مبينفذش تعليماته مبيشاركش واللي مبيدافعش كويس وفي مرة اوناجم اتضايق في مباراة لما مكنش في كور بتوصله وعيط وزعل وقالهم عاوز اتغير وغيره ، وبعدها باتشيكو طلعه بره القايمة وقعد معه وقاله انا محتاجك وعاوز وبدأ يرجعه للقائمة مرة تانيه
