يرى بشير التابعى نجم الزمالك السابق أن الفارق بين إدارة الأهلي والزمالك هى نجاح إدارة الأهلي فى الغلق على مشاكل الفريق الإدارية بخلاف سير الأمور داخل القلعة البيضاء، وهو ما جعل الأهلي يتفوق في الفوز ببطولة الدوري خلال الـ5 سنوات الماضية.
وقال التابعي :” الزمالك اللي ادى الأهلي الدوري الموسم قبل الماضي انا مش عاوز اتكلم عن مشاكل الأهلي”.
وأشار :”انا هتكلم عن الزمالك، والزمالك اللي خسر الدوري هو في مدرب يمشي قبل نهاية الموسم بـ4 مباريات”.
وأضاف ” التابعي” خلال استضافته في برنامج ” اللعيب” في قناة ” إم بي سي مصر” :” انا كنت بلعب في الزمالك وبشوف الدنيا ماشيه ازاي وكنا بنتعامل ازاي والأهلي بيتعامل ازاي”.
وتابع :” الزمالك عمل كل حاجة في ماتش أسوان ومفيش توفيق، والفرق بين الزمالك والأهلي أخطف وأجري والأهلي بيعرف يكسب حتى ولو وحش وأخر5 دوريات لو في مجزرة جوه محدش بيعرف”.
وأتم ” التابعي: ” بشكر مجلس الإدارة الموجود لانه لأمم الدنيا وأشرف قاسم عامل شغل وهو مشرف على الكرة بدرجة رئيس نادي”.
