حرص أحمد عيد عبد الملك نجم الزمالك السابق الرد على أحمد سمير لاعب الزمالك السابق و طلائع الجيش الحالي ، و ذلك بعد تصريحاته بالأمس بأنه تعرض للظلم في الزمالك.
و قال أحمد سمير في تصريحات تلفزيونية بالأمس : رحلت عن الزمالك بدون سبب واضح، ولما انتهى الموسم خدنا إجازة وبلغونى في التليفون إن أنا مش موجود مع الفريق دون كلمة شكر، وبشكل مش كويس، وندمت على رفض النادى لعرض مارسيليا وكنت لسه صغير، وكنت هنجح في الاحتراف.
و تابع : أنا دائما أتألق في معظم المباريات وليس الزمالك فقط، ولكن مباريات الزمالك والأهلي الأكثر متابعة، ويمكن يكون ربنا بيعوضنى عن الظلم الذى تعرضت له مع الزمالك والتوفيق بيكون معايا قدمهم.
وواصل : أنا بلعب مع طلائع الجيش ضد الزمالك علشان الفوز ومضيعتش بطولة على الزمالك علشان الجمهور يفضل يشتمنى من بعد المباراة.
و حرص أحمد عيد عبد الملك على توجيه رد قاسي لـ أحمد سمير عبر حسابه الشخصي على تويتر ، و كتب : اي لعيب يلعب في نادي كبير ويمشي وبعدين يقعد يشتكي ويقولك انا كنت استحق اقعد والكلام ده يبقي العيب فيه انه معملش لنفسه شخصية جوة الفرقة ودي اهم من الموهبة نفسها وكمان لازم يبص علي ارقامه وهو عمل ايه في الفترة الي قعدها وخصوصاً اما يبقي في ٦ سنين لعب في ٦ اندية وهو ٢٦ او ٢٧ سنة
