كشف الإعلامي مهيب عبد الهادي أن إدارة النادي الأهلي دخلت في مفاوضات جادة مع يوسف إبراهيم أوباما صانع ألعاب الفريق الأول لكرة القدم بنادي الزمالك خلال الفترة الماضية.
وقال “أوباما” :” هي الناس فاكرة أن الأهلي متتكملشي معاه، لا الأهلي اتكلم معاه وعرض عليه رقم محترم وهو فضل الزمالك والناس في الأهلي والزمالك عارفين كده كويس”.
وأشار :”حاجة غريبة جدا الناس بتهاجم يوسف أوباما عشان اتكلم كويس على الأهلي وده مفروض في حملة نبذ التعصب معموله من الوزير الدكتور أشرف صبحي”
وأضاف ” مهيب” خلال تقديمه حلقة جديدة من برنامج ” اللعيب”:” الناس بتقول مينفعش يتكلم بعد ما جدد للزمالك طيب ما هو جدد فعلا ودي تضيف ليه”.
وتابع :” في ناس بتنتقد أوباما وبتقول مينفعش يطلع يقول كده وانه عادي يلعب للأهلي ، وهو نفسه وقت ما كان لاعب كان بيقول الاهلي نادي كبير وشرف اني العب فيه ! هو كله بيزايد على اوباما بس !”.
وواصل :” الناس مضايقه انه ازاي لاعب في الزمالك يتكلم على الأهلي كويس وده منطق غريب جدا، هو المفروض على اللعيبه يقدموا فروض الطاعة والولاء بالهجوم على الأندية الأخرى”.
وأتم :”لو في نيه اننا نستفز حد أو تثير التعصب مكناش عملنا مونتاج لحلقه أوباما وكأن فيها كلام كثير وهجوم على لعيبه في الأهلي ولكننا أخدنا الحاجات الكويسه والمحترمة اللي تنبذ التعصب ولكن واضح أن الناس عايزة عكس كده”.
إسلام صادق يفضح إدارة الأهلي.. ويفجر مفاجأه بشأن جلسة سيد عبدالحفيظ لخطف نجم الزمالك – فيديو
